Nahum 1:6 - MUMA MALER 2015

⁶ En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Motingʼo Loko Manyien

⁶ Ere ngʼat manyalo siro mirimbe? Koso en ngʼa manyalo siro mirimbe mager? Mirimbe mager oolo mana ka mach. Lwendni barore e nyime.

Nahum 1:6 ပူးပေါင်းရင်းမြစ်များ

1 Ruodhi 19:11

Ruoth Nyasaye nowachone niya, “Wuogi, idhi ichung’ nyima ewi got nikech abiro kadho kanyo.” Mokwongo yamo nokudho, momuko gode, kendo obaro lwendni e nyim Ruoth Nyasaye; to Ruoth Nyasaye ok ne nie yamo

Ayub 26:11

Ka omiyo polo omor, to mise mag polo tetni ka gima luoro omakogi.

Ayub 40:11

Eka irang jogo masungore, mondo iol kuomgi mirimbi mager, omi gibolre.

Ayub 9:5

Oyiengo gode apoya, kendo omukogi gi mirimbe mager.

Zaburi 130:3

Ka da bed ni isiko kiparo richo ma ji timo, to ere ng’ama dichung’ e nyimi?

Zaburi 2:12

kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.

Zaburi 76:7

To in, A Ruoth, ilich manade! Ere gima dichung’ e nyimi ka ikecho?

Zaburi 76:8

Ne imiyo bura ming’ado ong’ere gie polo. Piny nobedo moluor, kendo oling’ thi,

Zaburi 90:11

Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo?

Isaya 10:16

Kuom mano, Ruoth Nyasaye Manyalo Gik Moko Duto biro kelo tuo kuom jolwej Asuria marateke, chakre e wigi nyaka lith tiendgi, kendo tuo noliel ka mach ei ringregi.

Isaya 13:13

Chieng’no Ruoth Nyasaye nokech malich, mi polo notetni, kendo piny noyiengni mi leng’re.

Isaya 27:4

to ok onyagna olemo ma anyalo losogo divai. Omiyo ochalo mana gi puodho ma kudho gi pedo ema opong’o. Kuom mano, abiro monje, mi awang’e pep,

Isaya 33:14

Joricho modak Sayun biro tetni ka luoro omako. Adier, joma ok dew Nyasaye kihondko nomaki, mi ginipenjre niya, “Bende nitie ng’ato kuomwa manyalo dak gi mach mawang’o gik moko duto? Koso en ng’a ma didag gi mach maliel nyaka chieng’?”

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Ywagruok 2:3

Kane iye owang’, to ne onego joma rateke duto mag Israel, kendo kane wasigu biro, to ne ok okonyogi gi tekone maduong’. Oseliel e piny joka Jakobo ka mach mawang’o gik moko duto man bute.

Ywagruok 2:4

Oseywayo atung’e ka omako matek gi bade ma korachwich, mana ka jasigu. Osenego joma beyo duto mwahero, mi oolo mirimbe mager ka mach kuom jo-Sayun.

Ywagruok 4:11

Ruoth Nyasaye ne oolo mirimbe mang’eny ka iye owang’, mi omoko mach kuom Sayun mowang’o mise mage duto.

Ezekiel 21:31

mi akumi ka an gi mirima mager ka mach mang’ang’ni. Bang’e anaketi e lwet jomahundu ma tichgi en mana ketho gik moko.

Ezekiel 30:16

kendo nawang’ Misri gi mach, mi Pelisium chandre malit. Ohinga mar Thebes ibiro muko, mi pi pong’ dala.

Ezekiel 39:6

“Abiro moko mach e piny Magog kod dhonembe duto ma ji odakie gi kue, mi ng’ato nong’e ni an e Ruoth Nyasaye.

Ezekiel 7:8

Piyopiyo nono abiro olo kuomu mirimba duto mager. Anang’adnu bura mana maromre gi timbeu, mi akumu kuom gik makuero duto musetimo.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Zefania 2:2

ka pok oteru kuma bor, mi ulal nono ka mihudhi! Ee, chokreuru, kapok Ruoth Nyasaye okelo mirimbe mager kuomu, kata kapok chieng’ mirimbe ochopo.

Malaki 3:2

To chieng’ mobiroeno, ere ng’ama nosir? Koso chieng’ ma othinyoree, ere ng’ama noting’ wiye? Enochal gi mach malenyo mula mondo obed maler, kendo enochal sabun ma luoko maler.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Fweny 16:1

Bang’e ne awinjo dwol maduong’ moa e Hekalu kawacho ni malaika abiriyogo niya, “Dhiuru uol tewni abiriyo mag mirimb Nyasaye e piny.”

Fweny 16:8

Bang’ mano, malaika mar ang’wen noolo tape e wang’chieng’, mi wang’ chieng’ nomi teko mar wang’o ji ka mach.

Fweny 6:17

nikech chieng’ maduong’ mar mirimbgi mager osechopo! To ere ng’ama disir mirima ma kamano?”