Nahum 1:5 - MUMA MALER 2015

⁵ Gode madongo gi matindo tetni e nyime, kendo leny nono. Piny duto kod joma odakie bende tungni.

Motingʼo Loko Manyien

⁵ Gode madongo yiengni e nyime kendo thuche leny nono. Piny tetni e nyime, piny kod ji duto madakie tetni.

Nahum 1:5 ပူးပေါင်းရင်းမြစ်များ

2 Samuel 22:8

Piny notetni, kendo oyiengni. Mise mag polo bende notetni kendo okirni, nikech mirimb Ruoth Nyasaye

Ayub 26:11

Ka omiyo polo omor, to mise mag polo tetni ka gima luoro omakogi.

Ayub 9:5

Oyiengo gode apoya, kendo omukogi gi mirimbe mager.

Zaburi 104:32

Ka orango piny, to piny tetni, bende ka omulo gode, to gode dhuolo iro.

Zaburi 114:4

Gode madongo nochikore ka diek. Gode matindo bende nochikore ka rombe.

Zaburi 114:6

Un gode madongo, ere gimomiyo ne uchikoru ka diek? Koso un gode matindo, ang’o momiyo ne uchikoru ka rombe?

Zaburi 18:7

Piny notetni kendo oyiengni. Mise mag gode bende notetni kendo okirni nikech mirimb Nyasaye.

Zaburi 18:8

Iro nodum kawuok e ume, kendo mach mang’ang’ni nowuok e dhoge.

Zaburi 46:6

Ogendini luor, kendo pinje yiengni, to piny bende leny ka Nyasaye rogo matek.

Zaburi 68:8

piny noyiengni, kendo polo nomiyowa koth, nikech biro mari, yaye Nyasach Israel.

Zaburi 98:7

In nam, wuo, kaachiel gi gik moko manie iyi. To in piny, kod ji duto modak e iyi, weruru.

Wuok 19:18

Wi got duto notimo iro, nikech Ruoth Nyasaye noselorie, ka en ei mach. Iro ne dhuolore, kendo ji duto ne kirni malich.

Isaya 24:1

Winjuru! Ruoth Nyasaye biro teng’o piny, mi dong’ nono. Obiro bare, mi oloke ataro, kendo oke joma odakie.

Isaya 24:20

Adier, piny notagre mana ka ng’at momer, kendo noukni mana ka kiru ma yamo yiengo. Nopodhi, to ok nochak ochung’ kendo, nimar richo ji ohinge gi pek.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Jeremia 4:24

Ne arango gode madongo, maneno ka giyiengni; kuonde moting’ore bende ne rundore koni gi koni.

Ezekiel 38:20

Rech duto manie nam, gi winy manie kor polo, kod le mae thim gi gik mamol piny, kaachiel gi dhano duto mae piny notetni e nyima. Gode nomukre, kendo hohni bende noruombre piny, kendo ohingni duto nopodhi.

Joel 2:10

Piny yiengni e nyimgi, to polo bende tetni. Wang’ chieng’ gi due oimore, sulue bende ok rieny.

Amos 9:5

Ruoth Nyasaye Manyalo Gik Moko Duto mulo piny, mi piny leny, kendo ji duto modakie ywak. Piny duto ting’ore malo, kendo pie, mana ka aora Nael.

Mika 1:4

Gode biro leny e bwoye mana ka odok moket e mach. Giniruombre e holni mana ka pi mabubni e abururu.

Habakuk 3:10

bende ka gode orangi, to tetni ka luoro omako. Ohula mwomo ka ridore, kendo nam matut wuo matek ka apaka gingore.

Zekaria 4:7

Kata da bed ni thagruok mochomo Zerubabel dongo ka gode, to ginipie ka pewe. En ema obiro keto kidi matieko gero Hekalu, ka ji kok niya, ‘Mano kaka Hekalu ber! Ruoth Nyasaye mondo oguedhe.’ ”

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Mathayo 27:51

Gikanyono nanga mane ogeng’o Kama Ler mar Hekalu noriedore diere ariyo, chakre malo nyaka piny. Piny noyiengni, kendo lwendni nobarore.

Mathayo 28:2

To piny noyiengni matek apoya nono, kendo malaika mar Ruoth Nyasaye nolor koa e polo, mong’ielo kidi mane olorgo dho bur gi chien, mobetie.

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.

Fweny 6:14

Polo noban ka kalatas, mi olal nono, kendo gode gi chulni duto nogol oa kuonde ma gintie.

Jong’ad Bura 5:5

Gode noyiengni e nyim Ruoth Nyasaye mar Sinai, ma Nyasach Israel.