Nahum 1:2 - MUMA MALER 2015

² Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Motingʼo Loko Manyien

² Jehova Nyasaye en Nyasaye ma janyiego kendo machulo kuor. Jehova Nyasaye chulo kuor kendo en gi mirima. Jehova Nyasaye chulo kuor ne joma kwede kendo kumne osiko kuom jowasike.

Nahum 1:2 ပူးပေါင်းရင်းမြစ်များ

Ayub 20:23

We ocham achama gik moko duto modwaro! Nyasaye biro kume gi mirima mager.

Zaburi 94:1

A Ruoth Nyasaye, in Nyasaye machulo kuor. Nyiswa kaka ichalo!

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Wuok 34:14

“Kik ulam nyasaye moro machielo ni mar an Ruoth Nyasaye, nyinga en Nyasaye ma Janyiego, kendo an Nyasaye ma janyiego adier!

Wuok 34:7

Arito singruokna masetimo gi ji gana gi gana, kendo aweyonigi rochruokgi gi kethogi kod richogi, to kata kamano ok akwan jaketho ka ng’ama ler, to akumo nyithindo gi nyikwayo nyaka tieng’ mar adek kod mar ang’wen nikech richo kweregi.”

Isaya 42:13

Ruoth Nyasaye biro wuok oko ka thwon maratego. Enobed gi mirima mager mana ka jalweny, kendo enokogi ka ogoyo sigich lweny, mi olo wasike.

Isaya 51:17

A malo! A malo, in dala Jerusalem. Ruoth Nyasaye osekumi malit ahinya komiyi kikombe ma mirimbe opong’o imadho. Adier, isemadho kikombe mamero ji, mi ilung’o.

Isaya 51:20

Ruoth Nyasaye okumo yawuoti gi kum mager. Ginindo e yore duto mana ka gima gimer, kendo mana ka le ma obadho omako.

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Jeremia 25:15

Ruoth Nyasaye ma Nyasach Israel nowacho niya, “Ma e kikombe mopong’ gi mirimba. Kawe mondo imi ogendini duto ma aori irgi omadhe.

Jeremia 28:8

Jonabi machon mane okwongonwa ne koro wach ni lweny gi kech kod tuo biro biro kuom ogendini mang’eny gi pinje marateke.

Jeremia 3:5

Uwuoyo kamano kuparo ni ok nakechi mochwere, kendo ni mirima ok nomaka kodu nyaka chieng’. Un jo-Israel, mano e gima nuwacho, to kata kamano, pod nutimo atima richo duto mane unyalo.”

Jeremia 36:7

Kamoro dipo ka gilamo Ruoth Nyasaye, mi gilokore giweyo yoregi maricho, nimar osesiemogi ni obiro kumogi gi mirimbe mager.”

Jeremia 4:4

Un jo-Juda gi jo-Jerusalem, rituru singruokna, kendo timuru gik madwaro, nono to gik maricho musetimo biro miyo mirimba liel ka mach ma onge ng’ama nyalo nego.’

Jeremia 50:15

Gouru sigich lweny e alwora mar dala koni gi koni, nimar jo-Babulon oseting’o badgi ni wasikgi! Ohingane osetuom momukore! An Ruoth Nyasaye koro achulo kuor ni jo-Babulon. Kuom mano, un bende chulnigiuru kuor, kendo utimnigi mana kaka ne gitimo ni ji mamoko.

Ywagruok 4:11

Ruoth Nyasaye ne oolo mirimbe mang’eny ka iye owang’, mi omoko mach kuom Sayun mowang’o mise mage duto.

Ezekiel 36:6

“Kuom mano, kor wach ni piny Israel, kinyiso gode madongo gi matindo kod aore gi holni ni an Ruoth Nyasaye aherogi, omiyo asewuoyo gi mirima mager, nikech ogendini mamoko duto oseyanyogi marach.

Ezekiel 38:18

Ruoth Nyasaye nowacho bende niya, “Chieng’ ma Gog nomonjie Israel, mirima mager nomaka.

Ezekiel 38:19

Awacho ka akecho ahinya ni chieng’no piny Israel noyiengni malich.

Ezekiel 39:25

Ruoth Nyasaye nochako owacho niya, “Koro abiro kecho jo-Israel ma nyikwa Jakobo, mi ami gichak gidhi nyime maber, kendo ok nayie nyinga maler kethre.

Ezekiel 5:13

To ka asetieko kumou gi mirimba mager kamano, mi achulonu kuor, to mirimba noto, mi abed gi kue mos. Bang’e unung’e ni an Ruoth Nyasaye ema asewuoyo kodu ka chunya lit nikech useweya.

Ezekiel 6:12

Joma ni kuonde maboyo, tuo ema noneg, to man machiegni notho e lweny. Mago modong’ to kech ema nonegi. Kamano anakumgi gi mirimba mager.

Ezekiel 8:18

Abiro kumogi gi mirimba mager, ka ok ang’wononigi, kata ka ok akechogi. Kata da bed ni gilama matek manade, to ok anadewgi.”

Joel 2:18

Bang’e Ruoth Nyasaye nonyiso ni ohero pinye ahinya, kendo nokecho joge.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Mika 5:15

to bende abiro chulo kuor gi mirimba mager ni ogendini ma ok oseluora.”

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Zekaria 1:14

Kuom mano, malaikano nowachona niya, “Dhiyo inyis ji ni weche Ruoth Nyasaye Manyalo Gik Moko Duto e magi: ‘Hera maduong’ ma aherogo Jerusalem gi Sayun miya mirima.

Zekaria 8:2

“Magi e weche Ruoth Nyasaye Manyalo Gik Moko Duto: Hera malich ma aseherogo Sayun osemiyo abedo gi mirima. Adier, hera maherego osemiya mirima mager.

Kwan 25:11

“Finehas wuod Eleazar ma wuod Harun jadolo osemiyo mirima mane an go gi jo-Israel orumo, nikech mirima mosemake kodgi chal gi mara. Mano emomiyo kata obedo ni ne an gi nyiego kod jo-Israel nikech aherogi ahinya, to ne ok atiekogi.

Jo-Rumi 12:19

Osiepena, kik uchul kuor, to kar chulo kuor to weuru mondo mirimb Nyasaye ema otim kamano, nikech ondiki e Muma ni Ruoth Nyasaye owacho niya, “An ema nachul kuor. Adier, anachul maonge kiawa!”

Jo-Rumi 13:4

nikech gin jotich Nyasaye matiyo mondo okonyi. To ka itimo marach to gin jotich Nyasaye matoyo mirimb Nyasaye kuom joketho.

Rapar mar Chik 4:24

nimar Ruoth Nyasaye ma Nyasachu en mach matieko gik mowang’o, kendo en Nyasaye ma janyiego.

Rapar mar Chik 7:10

To jogo mochaye kendo ma ok ohere, otieko chuth piyopiyo ma ok odeko.

Jo-Hibrania 10:30

Wang’eyo Jal mane owacho niya, “An ema nachul kuor. Adier, anachul maonge kiawa!” kendo mane owacho ni ni, “Ruoth nong’ad bura ni joge.”

Joshua 24:19

Joshua nowachonigi niya, “Ok dunyal tiyo ni Ruoth Nyasaye, nimar en Nyasaye maler, kendo ma janyiego, ma ok nowenu richou kod timbeu mamono.

2 Petro 2:9

Kamano waneno ni Ruoth ong’eyo reso joma oluore kuom tem mochomogi, kendo ong’eyo keto joricho e kum nyaka chop Chieng’ Bura,