Nahum 1:15 - MUMA MALER 2015

¹⁵ Neyeuru kaka jaote ringo kalor e gode kakelo wach maber mar kue. Owacho niya, “A yaye, un jo-Juda, timuru sewni mau, kendo chiwuru ni Ruoth Nyasaye gik mane usekuong’oru ni unuchiw, nimar joma richo ok nochak olou kendo, nikech osetiekgi chuth.”

Motingʼo Loko Manyien

¹⁵ Tingʼ wangʼi, ineye tiende ngʼat makelo Injili, kendo malando kwe ewi gode! Tim nyasi mar mor, yaye Juda, chopuru singruoku. Jomaricho ok nochak omonju kendo; nikech ibiro tiekgi pep.

Nahum 1:15 ပူးပေါင်းရင်းမြစ်များ

Zaburi 107:15

Onego gigo erokamano ni Nyasaye kuom herane mosiko, kendo kuom gik miwuoro mane otimonigi!

Zaburi 107:8

Onego gigo erokamano ni Nyasaye kuom herane mosiko, kendo kuom gik miwuoro mane otimonigi.

Isaya 41:27

Ne asenyiso jo-Sayun chon ni, “Ero gibiro,” kendo ne aoro ni Jerusalem jaote materonigi wach maber.

Isaya 42:11

Thim, kod mier man kuno, mondo obed mamor, kaachiel gi kuonde dak mag jo-Arabu ma Kedar. Un joma odak Sela, koguru gi mor ewi gode.

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Joel 3:17

“Bang’e un jo-Israel unung’e ni an, Ruoth Nyasaye ma Nyasachu, adak Sayun, goda maler, kendo jopinje mamoko ok nonyone kendo.

Tim jo-Lawi 23:2

“Sewni ma Ruoth Nyasaye oketo e magi: Gin chokruok maler, ma nyaka ogonigi milome nikech gin sewni maga ma aseketo.

Tim jo-Lawi 23:4

“Sewni ma Ruoth Nyasaye oketo e magi: Gin chokruok maler ma ka kindegi ochopo to nyaka ugo milome maggi.

Nahum 1:14

Ruodh Asuria to awachone kama: ‘Asegolo chik mondo nyingi orum chuth! Yawuoti ok nobed ruodhi kari, kendo abiro ketho nyisecheni manie hekalu mari, mi ananegi nikech in gima nono!’ ”

Luka 2:10

to malaika nowachonigi ni, “Kik ubed maluor, nikech akelonu wach maber ma biro miyo ji duto bedo mamor ahinya.

Luka 2:14

“Duong’ obed ni Nyasaye e polo malo, kendo kue obedi e piny, ni joma Nyasaye oyiero!”

Tich Joote 10:36

Ne ooro wachne ni jo-Israel, kokelonigi Wach Maber mar kue kuom Yesu Kristo, ma en Ruodh ji duto.

Jo-Rumi 10:15

Koso ere kaka ji nyalo lando Wach Maber ka ok oorgi? En mana kaka Muma wacho niya, “Mano kaka ji mor ka gineno joma kelo nigi Wach Maber!”