Nahum 1:14 - MUMA MALER 2015

¹⁴ Ruodh Asuria to awachone kama: ‘Asegolo chik mondo nyingi orum chuth! Yawuoti ok nobed ruodhi kari, kendo abiro ketho nyisecheni manie hekalu mari, mi ananegi nikech in gima nono!’ ”

Motingʼo Loko Manyien

¹⁴ Jehova Nyasaye osegolo chik kuomi, in Nineve, kowacho niya: “Ok inibed gi nyikwayi mabiro tingʼo nyingi. Abiro tieko nyisecheu manono mopa kaachiel gi mochwe gi lowo manie uteu mag lemo. Abiro kunyonu bur miyikoue nikech un joma timbegi richo.”

Nahum 1:14 ပူးပေါင်းရင်းမြစ်များ

2 Ruodhi 19:37

To chieng’ moro, kane oyudo olemo e od Nisrok nyiseche, yawuote ma Adramalek gi Sharezer nobiro monege. Bang’e ne giringo, mi gidhi e piny Ararat, to Esarhadon nodoko ruoth kar Senakarib wuon mare.

2 Weche mag Ndalo 32:21

Eka Ruoth Nyasaye nooro malaika e kambi mar ruodh Asuria, motieko thuondi gi jodongo kod jotend jolweny duto. Omiyo nodok e pinye ka en gi wichkuot. To kane odonjo e od nyasache, yawuote moko nonege kanyo.

Ayub 18:17

Humbe orumo e piny, kendo nyinge olal ma onge ng’ama paro.

Zaburi 109:13

Nyikwaye duto mondo otho, mi nyinge lal nono kuom tieng’ mabiro.

Zaburi 71:3

Bedna lwanda ma aresorae, kendo ohinga motegno mogeng’a. To adier, inie lwandana kendo ohingana.

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Ngeche 10:7

Ji nopak nying ng’at makare kosetho. Jaricho to wich wil go.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 33:13

Un mudak kuonde maboyo, winjuru gima asetimo. To un ma un machiegni, yieru ni aratego.”

Jeremia 50:2

Huluru wach ni ogendini! Kik umung’gi, to gonigiuru milome! Chunguru bandera mondo ji ong’e ni Babulon osepodho. Marduk nyasache osemaki. Nyiseche mamoko mag Babulon oyudo wichkuot. Nyiseche makuerogo okethi.

Daniel 11:21

Jal ma nobed ruodh Siria bang’ mano nobed ng’at ma timbene richo, ma ok owinjore bed ruoth. Enobi apoya e ndalo kue, mi okaw loch gi rieko mar miriambo.

Daniel 5:27

PIM nyiso ni osepimi e ratil, mi oyud ni ok iromo.

Tim jo-Lawi 26:30

Anaketh kuonde hembko mau, kendo anamuk kendeu mag ubani. Anadhur ringreu motop kuom kido motop mag nyisecheu manono, kendo najwang’u.

Mika 5:13

Abiro ketho nyiseche manono gi sirni milamo, kendo ok unuchak ulam gik ma uloso uwegi.

Mika 5:14

Abiro muko sirni milamo e pinyu, mi aketh miechu,

Habakuk 2:10

Tim musetimo kutieko ogendini mang’eny biro kelonu wichkuot, mi ket ngimau e masira.

1 Samuel 3:13

Nyaka iwachne ni abiro ng’ado ni dhoode bura mosiko, nikech nong’eyo ni yawuote yanyo Nyasaye, to ne ok okwerogi.