Nahum 1:10 - MUMA MALER 2015

¹⁰ Giduto giniwang’ pep mana ka kudho mochoki, kata ka tiang’ motwo.

Motingʼo Loko Manyien

¹⁰ Gibiro moko e kind kuthe kendo gibiro mer gi divai mag-gi, bende ibiro wangʼ-gi ka lum motwo.

Nahum 1:10 ပူးပေါင်းရင်းမြစ်များ

2 Samuel 13:28

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”

Zaburi 118:12

Ne ginur kuoma ka kich, to piyopiyo nono ne girumo ka mach mawang’o kudho!

Zaburi 68:2

Kaka yamo tero iro mabor, e kaka Nyasaye bende biro riembogi mabor, kendo kaka odok leny but mach, e kaka joricho bende norum e nyim Nyasaye.

Wuok 15:7

Kuom duong’ mar tekoni niloyo joma nopiem kodi. Mirimbi noliel ka mach, mowang’ogi ka tiang’.

Wuok 5:12

Omiyo ji noke e piny Misri duto, ka dwaro tiang’.

Isaya 27:4

to ok onyagna olemo ma anyalo losogo divai. Omiyo ochalo mana gi puodho ma kudho gi pedo ema opong’o. Kuom mano, abiro monje, mi awang’e pep,

Isaya 47:14

To winji, gichalo tiang’ ma mach wang’o. Ok ginyal kata mana resore gin giwegi e mach, kendo majno ok nobed mach maberber, minyalo bet bute kioyo.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 56:12

Ng’ato ka ng’ato kuomgi wacho niya, “Biuru wamany divai kod kong’o makech, mondo wamadh, wamer. Kiny bende nobed maber mana kama, kata moloyo ma.”

Isaya 9:18

Richo liel mana ka mach mager mobolie kudho, kendo wang’o koda ka bungu ka iro dhuolore.

Jeremia 51:39

Kara, ka giowore kamano, to abiro losonigi sawo! Abiro miyogi gimer, mi gibed mamor, to bang’e nindo notergi ma ok ginyal chiew kendo.

Jeremia 51:57

Abiro miyo jodonge gi joge mariek gi jotelo kod joge mag lweny bed momer, mi nindo tergi, mi ok ginyal chiew kendo. An Ruoth Nyasaye Manyalo Gik Moko duto, ema awacho kamano.

Mika 7:4

Kuom mano, kata mana timbegi mabeyo kendo modimbore obam, kendo chalo mana gi bunge motimo kuthe. To koro chieng’ ma Nyasaye kumogie osechopo, mana kaka jonabi mage ne osiemogi ni enotim. Omiyo koro kihondko omakogi.

Nahum 3:11

Kamano e kaka in Nineve bende ibiro kwang’ ka ng’at momer, mi piny chami, kendo inimany kar tony kiringo wasigu.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

1 Samuel 25:36

Kane Abigail odok dala, noyudo ka Nabal timo sawo maduong’, mana ka sap ruoth. Nabal ne mor, nikech nomer ahinya, omiyo Abigail ne ok onyise gimoro kata matin, nyaka piny oru.