Mika 7:20 - MUMA MALER 2015

²⁰ Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Motingʼo Loko Manyien

²⁰ Ibiro bedo ja-adiera ne Jakobo kendo ibiro kecho Ibrahim, kaka ne isingori kikwongʼori ne kwerewa, e ndalo machon.

Mika 7:20 ပူးပေါင်းရင်းမြစ်များ

Chakruok 24:27

kowacho niya, “Apako Ruoth Nyasaye ma Nyasach Ibrahim ruodha, moserito singruok ma notimo ni ruodha, kendo osekela mana dala owadgi ruodha.”

Chakruok 32:10

Ok awinjora gi herani maradier kendo mosiko misenyisa. Nang’ado aora Jordan ka aonge gi gimoro mak mana ludha mar wuoth kende, to koro aseduogo gi ogendini ariyogi.

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Rapar mar Chik 7:12

“Kuwinjo chikegi kendo uritogi, to Ruoth Nyasaye ma Nyasachu biro rito singruok mane otimo gi kwereu, kendo obiro siko koherou.

Rapar mar Chik 7:8

Noyierou mana nikech noherou, kendo nikech norito singruok mane otimo ni kwereu. Mano emomiyo nogolou gi tekone maduong’ e piny mane unie wasumbini, moresou e lwet Farao ruodh Misri.