Mika 7:19 - MUMA MALER 2015

¹⁹ Inichak ikechwa kendo, mi inyon richowa e tiendi, kendo inyumgi e bwo nam.

Motingʼo Loko Manyien

¹⁹ Ibiro kechowa kendo, ibiro nyono richowa e tiendi, kendo idir kethruokwa duto e bwo nam.

Mika 7:19 ပူးပေါင်းရင်းမြစ်များ

2 Samuel 24:14

Daudi nodwoko Gad niya, “An gi masira maduong’, to ber mondo wabed e lwet Ruoth Nyasaye, nimar ng’wonone duong’. To kik abed e lwet dhano.”

Zaburi 103:12

Ogolo richowa kendo owitogi mabor kodwa, mana kaka yo wuok chieng’ bor gi yo podho chieng’.

Zaburi 130:8

Obiro waro joge Israel kuom richogi duto.

Zaburi 85:3

Ne iweyo kecho kodgi, mi chunyi olendo kuom mirima mager mane in go.

Isaya 33:24

Onge ng’at ma odak kuno ma nowach ni otuo, kendo richo mag ji man kuno nong’wonnigi.

Isaya 38:17

Chutho, koro aseneno ni chandruok duto mane aseyudo konya, nimar iseresa e tho nikech herani. Bende isewito richona duto ka dieng’eyi.

Isaya 43:25

An kende e jal ma rucho richou oko, mi ok chak par kendo, nikech mano e gima ahero timo.

Jeremia 31:20

To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Jeremia 33:8

Abiro pwodhogi kuom richogi duto, kendo abiro weyonigi timbe maricho ma gisetimo e nyima ka gitamore mako chikna.

Jeremia 50:20

Ka kindeno ochopo, to onge richo ma noyud kuom jo-Israel kata kuom jo-Juda, nikech joma aweyo ka ngima, ema bende anawenigi richogi. An Ruoth Nyasaye ema awacho kamano.

Ywagruok 3:22

hera mosiko mar Ruoth Nyasaye ochwere, kendo ng’wonone ok rum.

Ywagruok 3:32

Kata obedo ni okumo ji malit, to ong’wononigi bende gi herane mogundho mosiko,

Ezekiel 18:22

Richone duto nowene, mi nobed mangima nikech notimo timbe makare.

Ezekiel 39:29

Anapong’ jo-Israel gi Roho mara, mi ok nachak awegi kendo. An Ruoth Nyasaye ema awacho kamano.”

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Hosea 14:2

Duoguru ir Ruoth Nyasaye, kendo kar kelone chiwo, to lameuru kama: “Wenwa richowa duto, kendo yie lemowa, mi wanapaki kaka wasesingore.

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Zekaria 3:4

Malaikano nowacho ni joma ochung’ e nyime niya, “Lonyneuru lewni mochidogo oko.” Eka nowacho ni Joshua niya, “Neye kaka asegolo richoni oko kuomi! Koro abiro rwaki gi lewni mabeyo.”

Jo-Rumi 6:14

nimar richo ok nochak obed gi loch kuomu, nikech koro ok un e bwo Chik, to un e bwo ng’wono mar Nyasaye.

Jo-Rumi 8:13

nikech kutimo gi ma ngima mar dhano dwaro to ubiro tho. To ka unego timbeu maricho kuom teko mar Roho, to unubed mangima.

Rapar mar Chik 30:3

to Ruoth Nyasaye ma Nyasachu nong’wonnu, mi nochak omi udhi nyime maber kendo. Enochak ochoku kendo kanyakla, kogolou e pinje duto mane okeyoue.

Rapar mar Chik 30:6

Ruoth Nyasaye ma Nyasachu nomi chunyu gi chuny nyikwau tim gik ma odwaro, mondo uhere gi chunyu duto kendo gi adiera, eka ubed mangima.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 8:12

Anang’wonnigi giduto kuom timbegi maricho, kendo ok nachak apar richogi ngang’.’ ”

1 Johana 3:8

To ng’at matimo richo en ng’at Satan, nikech Satan osiko katimo richo nyaka a chakruok. To Wuod Nyasaye nofwenyore mana ni mondo otiek Satan.