Mika 7:10 - MUMA MALER 2015

¹⁰ Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.

Motingʼo Loko Manyien

¹⁰ Eka wasika none gima otimore mi ginipongʼ gi wichkuot, gin mane giwacho niya, “Ere Jehova Nyasaye ma Nyasachino?” Wangʼa none koselogi; kata mana sani ibiro nyon-gi piny, mana kaka chwodho inyono e yore manie dala.

Mika 7:10 ပူးပေါင်းရင်းမြစ်များ

2 Samuel 22:43

Ne aregogi mayom, mana ka buru ma yamo tero, mi anyonogi ka chuodho.

Zaburi 109:29

We wasika wigi okuodi, mi girwak wichkuot ka kandhu.

Zaburi 115:2

Ang’o momiyo ogendini penjowa niya, “Ere Nyasachu nogo?”

Zaburi 18:42

Ne aregogi mayom mana ka buru ma yamo tero, mi anyonogi ka chuodho.

Zaburi 35:26

Mad lo joma goyona siboi ka an e chandruok, mi ng’eng nono. Onego wichkuot maduong’ mak jogo ma paro ni beyo moloya.

Zaburi 42:10

Gigoyona siboi, kendo ginyiera, ka athagora. Odiechieng’ duto gipenja niya, “Nyasachi nogo ni kanye?”

Zaburi 42:3

Aywak odiechieng gotieno, kendo pi wang’a kende e chiemba, nimar seche duto wasika penja niya, “Nyasachi nogo ni kanye?”

Zaburi 58:10

Joma kare to nobed mamor ka gineno kikumo joricho, kendo giniyor remb jorichogo.

Zaburi 79:10

Ere gima omiyo ogendini ma ok oyie kuomi onego openjwa niya, “Nyasachu nogo ni kanye?” A Nyasaye, wadwaro mondo ikum ogendinigo mana e wang’wa kwaneno, nikech ne gichuero remb jotichni!

Zaburi 92:12

Joma kare nokar ka yiend othith. Ginidongi mana ka yiend sida man Lebanon.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 41:25

An to aseluongo ng’ato yo nyandwat ma yo wuok chieng’ mondo obi. En ng’at mabiro lama. Enonyon ruodhi mana ka lowo mimwonogo ot, kendo nonywasgi mana kaka jachuech nywaso lop agulu.

Jeremia 49:15

Un jo-Edom, Ruoth Nyasaye biro miyo ogandau dok manyap, kendo onge ng’ama biro miyou luor.

Jeremia 51:24

Ruoth Nyasaye wacho niya, “Ubiro neno ka achulo kuor ni Babulon gi joge kuom richo duto mane gitimo Sayun.

Jeremia 51:51

Uwacho niya, ‘Ji oseyanyowa, omiyo wiwa okuot, nikech jopinje mamoko osedonjo kuonde maler mag Hekalu.’

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Joel 2:17

Jodolo ma tiyo ni Ruoth Nyasaye ei Hekalu, nyaka ywagi, kochung’ e kind dhorangach gi kendo-mar-misango. Giywak kama: “A Ruoth Nyasaye, kech jogi ma mwanduni, kik iwe ogendini mamoko jarwa mi nyierwa, ka giwacho niya, ‘Nyasachu ni kanye?’ ”

Obadia 1:10

Notieku kendo nochau nyaka chieng’ nikech ne unego oweteu ma joka Jakobo muyakogi.

Obadia 1:12

“Ne ok onego ubed mamor gi masira mane oweteu ma jo-Juda oyudo, bende ne ok onego unyiergi chieng’ rumbgi. Ne ok onego usungru kuneno ka gin e chandruok.

Mika 4:11

Ogendini mathoth osechokore mondo omonju, ka wacho niya, “Jerusalem nyaka kethi! Wadwaro nenogo kokethore, mondo wagone siboi!”

Mika 7:8

Yaye wasika, kik ogona siboi, nikech kata obedo ni asepodho, to abiro chung’ kendo. Kata obedo ni adak e mudho, to Ruoth Nyasaye nobedna ler.

Zefania 3:15

nimar Ruoth Nyasaye oseriembo wasiku, motero kuma bor. Ruoth Nyasaye ma Ruodh Israel nie kindu, omiyo ok unuchak uluor masira.

Zekaria 10:5

Ginibed ka jolweny marateke ma nyono wasikgi ka chuodho, kendo ginikedi nikech an Ruoth Nyasaye an kodgi, bende ginilo kata mana joidh farese, mi gikuod wigi.

Malaki 1:5

Ubiro neno gigo gi wang’u ka timore, mi unuwach niya, ‘Kara Ruoth Nyasaye nigi teko kata e pinje mamoko ma ok Israel!’ ”

Malaki 4:3

Chieng’ ma ang’adoe bura, unulo joma timbegi richo, kendo ginichalnu ka buru munyono.

Mathayo 27:43

Osebedo ka ogeno kuom Nyasaye mondo orese ane kohero, nikech nowacho ni en Wuod Nyasaye!”

Joshua 7:9

Kapo ni jo-Kanaan kod jopinyno duto owinjo wachni, to gibiro nur kuomwa, kendo yweyowa ka yuech. To koro ang’o ma nitim mondo ires nyingi maduong’ni?”

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!