Mika 7:1 - MUMA MALER 2015

¹ A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Motingʼo Loko Manyien

¹ Mano kaka midhiero omaka malit! Chutho achalo ngʼat ma hulo e puoth mzabibu e ndalo oro. Onge olemb mzabibu mochokore ma dacham, ngʼope mokwongo chiek ma agombo bende onge.

Mika 7:1 ပူးပေါင်းရင်းမြစ်များ

Zaburi 120:5

Dak e kindu rach mana ka dak e piny Meshek, kata ka dak e kind jo-Kedar!

Ngeche 20:6

Ji mang’eny wuorore kendgi ni gin joma ogen, to temie ane ka diyud kata mana achiel ma inyalo geno!

Isaya 17:6

Joge manok kende ema nodong’, mana kaka olembe manok kende ema dong’ e yath kosepon. Olembe ariyo kata adek nyalo dong’ e bede yath man malo midimidi, to ang’wen kata abich nyalo dong’ e bedene moyarore gi piny. Mago e weche Ruoth Nyasaye Manyalo gik Moko Duto.

Isaya 24:13

Mano e gima biro timore e piny ngima, kendo ni oganda ka oganda. Ji manok kende ema nodong’, mana kaka olemo manok ema dong’ e yadh zeituni moyiengi, kata e yadh mzabibu mihulo bang’ keyo.

Isaya 24:16

Wasewinjo ka giwer e tung’ piny ka tung’ piny niya, “Mano kaka Ng’ama Kare ber!” An to chunya pod lit ahinya, nimar ji pod osiko ka timo atima richo, kendo ndhogruok opong’o piny.

Isaya 28:4

mi duong’ne biro rumo ka maua moner, kata ka olemo mokwongo chiek, ma ng’ato ang’ata moneno, to pono chamo ka rikni.

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Jeremia 15:10

Jeremia noywagore niya, “Yaye! Hapa rach! Ere gima omiyo ne mama onywola, nimar ji duto osiko ka dhaw adhawa koda? Pok aholo ng’ato pesana, bende pok aholo pesa kuom ng’ato, to kata kamano, ji duto kuong’a.

Jeremia 24:2

Atonga achiel noting’o ng’owo mabeyo machiek atamalo, to atonga machielo noting’o ng’owo maricho ma ok nyal cham.

Jeremia 4:31

Ne awinjo ywak ka mar dhako ma muoch kayo. Ee, mana kaka mar dhako ma hango nywol. Kara ne en mana dwond Jerusalem, ma gamo yueyo, kendo orieyo bade kawacho niya, “Arumo! Chunya dwaro a, nikech jonek lwora mondo onega.”

Jeremia 45:3

‘In iwacho ni tinde iol, nikech Ruoth Nyasaye osemedoni mana kuyo kuom thagruok ma in go. Bende iwacho ni iseywak miol, to ok iseyudo kue ngang’.’

Jeremia 5:1

Un jo-Jerusalem, wuothuru e yore mag dalau kendo e chirniu, mondo une ane ka nitie kata ng’at achiel makare mohero adiera. Kuyudo, to Ruoth Nyasaye nowe ni jodalano richogi.

Hosea 9:10

Ruoth Nyasaye wacho niya, “Kane akuongo yudo Israel, to yudogino ne chal mana gi yudo mzabibu ma e thim. Ee, kane akwongo neno kwereu, nenogino ne chal mana gi neno ng’owo mochiek atamalo. To kane gibiro Baal-peor, ne gichako lamo kido manono makuodo wich, omiyo ne amon kodgi mana kaka ne amon gi kido manono mane giherono.

Kwan 18:13

Olembe duto mokwong pon e pinyu, mokel ni Ruoth Nyasaye nobed mau. Ng’ato ang’ata ma e odi ma ok ogak nyalo chamogi.