Mika 6:8 - MUMA MALER 2015

⁸ To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Motingʼo Loko Manyien

⁸ Osenyisi gima ber yaye dhano. To angʼo ma Jehova Nyasaye dwaro ni itim? Odwaro ni iti gadiera kendo iher kecho ji kendo iwuoth mobolore e nyim Nyasachi.

Mika 6:8 ပူးပေါင်းရင်းမြစ်များ

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

Chakruok 5:22

Bang’e nowuotho gi Nyasaye kuom higni mia adek, kendo nomedo nywolo nyithindo moko,

2 Weche mag Ndalo 30:11

Mak mana jomoko manok ma chunygi muol ema noa Asher gi Manase kod Zebulun, mobiro Jerusalem.

2 Weche mag Ndalo 32:26

To Hezekia nobolore moweyo sunga. Jo-Jerusalem bende notimo kamano. Omiyo Ruoth Nyasaye ne ok osandogi e ndalo duto mag Hezekia.

2 Weche mag Ndalo 33:19

To lemone, kendo kaka Nyasaye nowinjo kwayone, kaachiel gi kethone gi richone duto, kod kuonde mane ogeroe hembko moketoe sirni milamo gi kido mag nyiseche manono, kane pok chunye olokore modembore kuom Ruoth Nyasaye, ondiki e Kitap Weche mag Ndalo mag Jonen.

2 Weche mag Ndalo 33:23

Amon achielni ne ok obolore e nyim Ruoth Nyasaye kaka Manase wuon mare nobolore, to nomedo ketho moloyo.

2 Weche mag Ndalo 34:27

‘Asewinji nikech kane iwinjo wechena mane awacho kuom pinyni kod joma odakie, chunyi ne yom kendo odembore, miyiecho lepi, kendo iywak e nyima.

Nehemia 9:13

Nilor ewi got Sinai, kendo niwuoyo kodgi gie polo, kimiyogi chike makare kendo madiera kod buche mabeyo,

Zaburi 101:1

Wer ma aweroni, loso kuom ng’wono kod adiera, kendo in ema aweronigo, A Ruoth Nyasaye.

Zaburi 112:4

Ong’won kendo okecho ji. En e ler marieny e mudho ni joma beyo.

Zaburi 112:9

Opogo gige ni jochan gi chuny maler. Ngwonone osiko nyaka chieng’. Obiro bedo gi teko, kendo obiro yudo luor.

Zaburi 37:26

Kinde duto ong’won kendo oholo ji mabup. Mano ema omiyo nyithinde oguedhi.

Zaburi 73:28

An to aonge gi gima berna, moloyo bedo machiegni kodi, yaye Nyasaye. A Ruoth Nyasaye, in ema aseyieri mondo ibedna kar konyruok mondo aland gik moko duto misetimo.

Ngeche 21:3

Ruoth Nyasaye ohero mondo itim gik makare kendo mowinjore moloyo timone misengni.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Isaya 56:1

Ruoth Nyasaye wacho niya, “Rituru chik, kendo beduru gi timbe makare, nimar piyopiyo nono resruok ma akelo biro, mi timna makare nonere ratiro kolocho.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Jeremia 22:16

Ne oyalo jochan kare, omiyo gige duto nodhi maber. Gik ma kamago ema nyiso ni ng’ato ong’eyo Ruoth Nyasaye.

Jeremia 22:3

An Ruoth Nyasaye awachonu ni mondo utim gik makare kendo madier. Konyuru ng’at ma ithiro e lwet joma thire. Kik usand kata kik uthir jodak gi nyithi kiye kod mond liete, bende kik uneg joma onge ketho kama oyangnani.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Ywagruok 3:26

En gima ber bedo gi kue, kirito Ruoth Nyasaye mondo oresi.

Ezekiel 16:63

Chieng’ ma anapuodh gik maricho duto ma isetimo, eka inipargi, mi wiyi kuodi, ma kata mana loso ok nilosi. An Ruoth Nyasaye ema awacho kamano.”

Ezekiel 33:14

To bende ka asiemo ng’at marach ni obiro tho, mi oweyo timbene maricho,

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Hosea 12:6

Kuom mano, un nyikwa Jakobo, genuru kuom Ruoth Nyasachu, kendo udog ire. Beduru joadiera kendo joma timo gik makare, kendo keturu chunyu pile kuom Ruoth Nyasachu.

Hosea 6:6

nimar gima adwaro moloyo en hera mosiko, to ok misengni. Ber ka joga ong’eya, moloyo ka gitimona misengni miwang’o.

Tim jo-Lawi 26:41

An to nabed mamon kodgi, kendo natergi e piny wasikgi. Bang’e chunygi ma ok oyie timo kaka adwaro nobolre, kendo giniyud kum kuom richogi.

Amos 5:24

Weuru bura makare omol ka pi, kendo tim makare bende omol ka aora ma ok duon.

Mika 6:9

Luoro Ruoth Nyasaye en rieko. Ruoth Nyasaye luongo jo-Jerusalem niya, “Winjuru, un joma ochokore e dalani.

Zefania 2:3

Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Zekaria 7:9

“An Ruoth Nyasaye ne awacho niya, ‘Ng’aduru bura kare, ka ng’ato ka ng’ato miyo wadgi luor kendo timone ng’wono.

Mathayo 5:3

“Joma ong’eyo ni ok long’o e nyim Nyasaye gin johawi, nikech gueth mar Loch Polo en margi.

Mathayo 5:7

“Joma ng’won gin johawi, nikech nong’wonnigi.

Luka 10:42

to gimoro achiel kende ema dwarore, kendo Maria ema oseyiero gino. En gima ber moloyo, kendo onge ng’ama nomaye.”

Luka 11:42

“Mano kaka unune malit, un jo-Farisai! Uketo chunyu kuom chiwo ni Nyasaye mich mar achiel kuom apar mar apoth gi onyulo, kod alode mamoko duto maonge tich, to uweyo ng’ado bura kare, kendo ok uhero Nyasaye! Gigo ema onego bed ni utimo to mamokogo bende ok onego uwe mak utimo.

Luka 12:14

To Yesu nodwoke kapenje ni, “Omera, ng’a moketa jang’ad bura kata jathek e kindu?”

Luka 6:36

Omiyo beduru mang’won mana kaka Wuonu ng’won.

Jo-Rumi 7:16

To ka atimo gik ma ok adwar timo kamano to mano nyiso ni ayie ni Chik ber.

Jo-Rumi 9:20

To an adwoke ni, in dhano adhanani, in ng’a, ma dipenj Nyasaye wach?

1 Jo-Korintho 7:16

In dhako moyie, ing’eyo nadi kata dires chwori? Koso in dichwo moyie, ing’eyo nadi kata dires chiegi?

Jo-Efeso 4:32

To beduru mang’won, ka ng’ato ka ng’ato kecho wadgi, kendo weyone richone, mana kaka Nyasaye oseweyonu kuom Kristo.

Rapar mar Chik 27:10

Winjuru Ruoth Nyasaye ma Nyasachu, kendo rituru chikene gi buchene ma amiyou kawuono.”

Rapar mar Chik 30:15

“Neuru, kawuono aketo gik moko ariyo e nyimu mondo uyier. Gin ngima gi ber, kata tho gi rach.

Jo-Kolosai 3:12

Emomiyo, kaka Nyasaye oseyierou mondo ubed joge owuon mohero, nyaka ubed gi miwafu, gi ng’wono, gi bolruok, gi muolo kod horuok.

2 Jo-Thesalonika 2:16

Ruodhwa Yesu Kristo owuon, gi Nyasaye Wuonwa moseherowa gi hera maduong’, kendo mosejiwowa gi jip mochwere, kendo mosemiyowa geno maber, kuom ng’wonone,

Jakobo 2:20

In ng’at mofuwo, idwaro ni mondo onyisi ni yie maonge tim en mana gima nono koso?

Joshua 24:14

“Kuom mano, lamuru Ruoth Nyasaye, kendo tineuru gi chuny modimbore. Wituru nyiseche mane kwereu lamo kane gidak loka aora Yufrate, kendo e piny Misri, to lamuru mana Ruoth Nyasaye.

1 Petro 3:8

Mogik to uduto nyaka ubed gi chuny achiel, kendo gi paro achiel. Herreuru kaka owete, bende beduru mamuol kendo mang’won.

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.