Mika 6:7 - MUMA MALER 2015

⁷ Koso Ruoth Nyasaye dibed mamor ka akelone rombe gana gi gana, kata ka akelone mor zeituni mamol ka aora? Koso onego achiw nyathina makayo ka misango mondo achulgo richona?

Motingʼo Loko Manyien

⁷ Donge Jehova Nyasaye dibed mamor ka akelone imbe alufe gi alufe, kata ka kelone moo mamol ka aora? Dachiw nyathina makayo eka wena kethona, koso nyodo mar ringra eka wena richona?

Mika 6:7 ပူးပေါင်းရင်းမြစ်များ

2 Ruodhi 16:3

Noluwo timbe ruodhi mag Israel, to gima rach moloyo, en ni nowang’o wuode ka gir misango, koluwo timbe makuero mag ogendini mane Ruoth Nyasaye oriembo mondo owe thuolo ni jo-Israel.

2 Ruodhi 21:6

Nowang’o wuode bende, kotimogo misango. Noyie gi jokor wach gi jo nyakalondo kod ajuoke. Timbene maricho ne ng’eny e nyim Ruoth Nyasaye, omiyo mirima nomako Ruoth Nyasaye.

2 Ruodhi 23:10

Ruoth Josia noketho Tofeth manie holo mar Ben-hinom ni kik ji wang’ie nyithindgi ka misango ni Molek.

2 Ruodhi 3:27

Eka nokawo wuode makayo, mane onego bed ruoth kare, mi onego ewi ohinga, mowang’o ka liswa. Kuom mano mirima maduong’ nomako jo-Israel, kendo ne giweyo kedo kode, mi gidok e pinygi.

Ayub 29:6

Jamba ne golo chak mang’eny, kendo yienda mag zeituni ne nyak maber, kata mana kuonde motimo kite manade.

Zaburi 50:9

To kata kamano, ok achando ruedhi mugolo e kundeu, kata nyuogi moa e abilni mau,

Zaburi 51:16

Ka da bed ni idwaro misengni, to da achiwoni. To ok iyie kata mana gi misengni miwang’o pep.

Zaburi 51:18

Bed mang’won ni dala mar Sayun, A Nyasaye, kendo konye. Ee, chak iger ohinga mar Jerusalem.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 21:3

Ruoth Nyasaye ohero mondo itim gik makare kendo mowinjore moloyo timone misengni.

Isaya 1:1

Ma e fweny ma wuoyo kuom Juda gi Jerusalem, mane Isaya wuod Amoz oneno e kinde mag loch Uzia gi Jotham, kod Hezekia, mane ruodhi Juda:

Isaya 40:16

Yien duto manie piny Lebanon, kaachiel gi le duto man kuno, ok nyal romo timonego misango miwang’o pep.

Jeremia 19:5

kendo usegero kende-mag-liswa mondo uwang’ie nyithindu ka liswa ni Baal. To ne ok achikou mondo utim kamano, bende wach ma kamano ne ok aparo kata matin.

Jeremia 6:20

Ere tiende kelona ubani moa Sheba, kata gik mang’ue ng’ar moa e pinje maboyo? Ok anayie misengni miwang’o pep, kendo ok anabed mamor gi misengni mamoko ma gitimona.”

Jeremia 7:31

Gisegero kendo-mar-misango miluongo ni Tofeth e holo Benhinom mondo giwang’ie yawuotgi gi nyigi ka misango. To ne ok achikogi mondo gitim kamano, bende wach ma kamano ne ok aparo kata matin!

Ezekiel 23:37

Gisebedo ka giterore kendo giseneko. Giseterore gi nyiseche manono, kendo gisenego nyithindo mane ginywolona. Adier, ne gichiwo yawuota ka misango miwang’o ni nyisechegi manono!

Hosea 5:6

Gidhi gi jambgi mondo gitimgo misengni ni Ruoth Nyasaye, to ok ginyal yude, nikech oseweyogi.

Hosea 6:6

nimar gima adwaro moloyo en hera mosiko, to ok misengni. Ber ka joga ong’eya, moloyo ka gitimona misengni miwang’o.

Tim jo-Lawi 18:21

Kik ichiw nyathini moro ni nyasaye manono miluongo ni Molek, nikech kitimoo kamano to ikwedo nying Nyasachu. An e Ruoth Nyasaye.

Tim jo-Lawi 20:1

Ruoth Nyasaye nowacho ni Musa

Amos 5:22

Ka utimona misengni miwang’o pep, kod misengni mag cham, to ok nayiego, bende ok narang jambu mutimogo misengni mag sawo.

Filemon 1:12

Aduoge iri, kata obedo ni ochalo ringra awuon kamano!

Jong’ad Bura 11:31

to ng’at ma nokwong wuok e dala moromo koda, ka aduogo bang’ loyo jo-Amon e lweny, nobed ng’at mowal ni Ruoth Nyasaye, kendo anachiwe ka misango miwang’o pep.”

Jong’ad Bura 11:39

Bang’ dueche ariyogo, nodwogo ir wuon mare, mi wuon notimone mana kaka nosekuong’ore. Notho nyako ngili ma pok ong’eyo chwo. Mano ema nobedo chakruok mar tim jo-Israel

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.