Mika 6:6 - MUMA MALER 2015

⁶ Ang’o ma dakel ni Ruoth Nyasaye ma Nyasach polo, ka abiro mondo alame? Dakel nyiroye ma hikgi achiel achiel mondo awang’ne ka misango?

Motingʼo Loko Manyien

⁶ En angʼo ma dabigo e nyim Jehova Nyasaye kendo akulrago e nyim Nyasaye moloyo? Dabi e nyime gi misengini miwangʼo pep koso gi nyiroye ma jo-higa achiel?

Mika 6:6 ပူးပေါင်းရင်းမြစ်များ

2 Samuel 21:3

Daudi nopenjo jo-Gibeon niya, “Ere gima anyalo timonu? Ere kaka dagol richono, mondo umi hawi oduog ni jo-Ruoth Nyasaye?”

Zaburi 116:12

Ang’o ma dachiw ni Ruoth Nyasaye kuom ber duto mosetimona?

Zaburi 22:29

Josunga duto nokulrene. Chutho, ji duto matho nokulre e nyime.

Zaburi 95:2

Wadhiuru e nyime kwagoyone erokamano, kendo wawerne wende mag pak gi ilo

Zaburi 95:6

Biuru, wakulre piny e nyim Ruoth Nyasaye ma Jachuechwa, mondo walame, kwagoyone chongwa piny,

Wuok 12:5

Chiayono nyaka bed nyarombo kata nyadiel ma dichwo ma jahiga achiel ma onge songa.

Wuok 23:15

Unurit Sap Makati ma ok ketie Thowi kaka nachikou, kuchamo makati ma ok ketie thowi kuom ndalo abiriyo e kinde moketie e due mar Abib, ni mar dueno ema ne uae Misri. Kik ng’ato bi e nyima gi lwete nono.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 21:3

Ruoth Nyasaye ohero mondo itim gik makare kendo mowinjore moloyo timone misengni.

Isaya 40:16

Yien duto manie piny Lebanon, kaachiel gi le duto man kuno, ok nyal romo timonego misango miwang’o pep.

Jeremia 6:20

Ere tiende kelona ubani moa Sheba, kata gik mang’ue ng’ar moa e pinje maboyo? Ok anayie misengni miwang’o pep, kendo ok anabed mamor gi misengni mamoko ma gitimona.”

Ezekiel 46:9

“E kinde ma ji obiro lamo Ruoth Nyasaye e sawo moro amora, to joma odonjo gi dhorangach ma yo nyandwat nyaka wuog gi dhorangach ma yo milambo, kendo jogo modonjo gi dhorangach ma yo milambo, nyaka wuog gi dhorangach ma yo nyandwat. Onge ng’ama onego owuog gi dhorangach modonjogo, to ng’ato ka ng’ato nyaka wuog mana gi dhorangach momanyore gi mane odonjogo.

Daniel 3:26

Mano omiyo Nebukadnezar nodhi e dho mach, mi oluongo niya, “Shadrak gi Meshak kod Abednego, un jotich Nyasaye maduong’ moloyo, wuoguru!” Mi ne giwuok.

Daniel 4:9

Ne awachone kama: Belteshazar, jatend ajuoke duto, ang’eyo ni much nyiseche maler ni kuomi, kendo ni ielo midhierni duto. Koro winji gima nende aleko, mondo ilokna tiende.

Daniel 5:18

“Nyasaye Maduong’ moloyo noketo Nebukadnezar kwaru obedo ruoth maduong’ man gi teko kod duong’.

Daniel 5:21

Ne oriembe oa kuom ji, mi parone olokore ka paro le. Bende ne odak gi kenje manie thim, mi ochamo lum gi dhoge ka dhiang’, kendo ne onindo oko ka tho omoko kuome. To achien noyie gi Nyasaye Maduong’ Moloyo ema nigi loch e pinje duto ma e piny, kendo en ema oketo ng’ato ang’ata modwaro bedo ruoth.

Hosea 5:6

Gidhi gi jambgi mondo gitimgo misengni ni Ruoth Nyasaye, to ok ginyal yude, nikech oseweyogi.

Amos 5:22

Ka utimona misengni miwang’o pep, kod misengni mag cham, to ok nayiego, bende ok narang jambu mutimogo misengni mag sawo.

Kwan 7:51

gi nyarwath gi im gi nyaim ma hike achiel mitimogo misango miwang’o pep,

Mathayo 19:16

Wuowi moro nobiro ir Yesu, mopenje niya, “Japuonj, ere gima ber monego atim mondo ayud ngima mochwere?”

Mariko 12:33

Ka ng’ato ohero Nyasaye gi chunye duto kendo gi parone duto kod tekone duto, bende ka ohero wadgi kaka oherore owuon, to gima otimo duong’ moloyo chiwo ni Nyasaye misengni miwang’o pep, kata misengni mamoko.”

Mariko 5:7

koywak matek niya, “Yaye! Yesu Wuod Nyasaye Maduong’ Moloyo! Ilaro ang’o koda? Kuong’rina gi nying Nyasaye ni ok nisanda.”

Luka 10:25

Japuonj Chik moro ne dwaro temo Yesu, omiyo nochung’ mopenje niya, “Japuonj, ere gima datim mondo ayud ngima mochwere?”

Johana 6:26

Yesu nodwokogi ni, “Awachonu adier ni, udwara mana nikech makati ma nyoro uchamo, muyieng’, to ok nikech honni museneno.

Tich Joote 16:17

Ne ojaluwo bang’ Paulo kod bang’wa kokok niya, “Jogi gin jotich Nyasaye Maduong’ Moloyo! Gilandonu kaka onego uyud warruok.”

Tich Joote 16:30

Bang’ mano, nogologi oko mopenjogi ni, “Jodongo ere gima onego atim, eka akwo?”

Tich Joote 2:37

Kane ji owinjo wachno, chunygi nochandore, mi gipenjo Petro kod joote mamoko ni, “Jowadwa, ere gima dwatim?”

Jo-Efeso 3:14

Kaka nawacho ni adwaro goyo chonga piny mondo alem, to koro agoyo chonga kalamo Wuoro,

Jo-Hibrania 10:11

Jodolo duto mag jo-Yahudi chung’ katiyo tich lemo odiechieng’, kendo ginwoyo mana misengni ma gitimo pile, ma ok nyal golo richo kata matin.

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.