Mika 6:5 - MUMA MALER 2015

⁵ Un joga, parieuru gima ne Balak ruodh Moab ochano timonu. Kendo kaka Balaam wuod Beor nodwoke. Bende parieuru gik mane otimore e yo, kua Shitim udhi Gilgal, mana ni mondo ung’e timbe madongo mane atimo mondo aresugo.”

Motingʼo Loko Manyien

⁵ Un joga parieuru kaka Balak ruodh jo-Moab nongʼado rieko, kendo kaka Balaam wuod Beor nodwoko. Parieuru wuoth mane uago Shitim nyaka Gilgal, mondo mi ungʼe timbe makare mag Jehova Nyasaye.”

Mika 6:5 ပူးပေါင်းရင်းမြစ်များ

Zaburi 111:4

Ruoth Nyasaye ok we wiwa wil gi timbene madongo. Ong’won kendo okecho ji.

Zaburi 143:11

A Ruoth Nyasaye, resa kaka ne isingori. Adier, konya e chandruokna kuom ng’wononi.

Zaburi 36:10

Yie imed herani mosiko ni joma ong’eyi, kendo tim maber ni joma kare.

Zaburi 71:19

A Nyasaye, timni makare tundo nyaka e polo malo! Isetimo gik madongo, omiyo onge ng’ama romo kodi.

Isaya 1:27

Ka jo-Sayun olokore moweyo richogi, kendo oluwo yo makare, to anawargi.

Kwan 22:41

Kinyne gokinyi Balak nokawo Balaam motero ewi got miluongo ni Bamoth-baal, kuma ne onyalo nenogo oganda jo-Israel duto.

Kwan 23:27

Balak nowachone niya, “Bi mondo ateri kamoro machielo, dipo ka Nyasaye oyie, mi ikuong’onagi kanyo.”

Kwan 25:1

Kane jo-Israel ni Shitim, ne gichako terore gi nyi Moab,

Kwan 25:2

mane luongogi e sep misengni mane gitimo ni nyisechegi. Ne gidhi, mi gichamo chiemogo, kendo gilamo nyiseche jo-Moab.

Kwan 31:16

Donge ung’eyo ni kane Balaam osea gweng’ Peor, to mon-go ema nobet kawuondo jo-Israel mondo owe Ruoth Nyasaye, mi mano nomiyo tho ogoyo oganda Ruoth Nyasaye?

Kwan 31:8

To bende ne ginego Evi gi Rekem gi Zur gi Hur kod Reba, mane ruodhi abich mag Midian, kaachiel gi Balaam wuod Beor.

Kwan 33:49

Kambigino nochakore Beth-Jeshimoth, moyarore nyaka Abel-shitim e piny Moab ma mwalo.

Jo-Efeso 2:11

Paruru ni ne un joma ok jo-Yahudi kuom anywola. Chutho, jogo mong’ere kaka joma oter nyangu nikech gima otim gi lwedo e ringregi, ne luongou ni joma ok oter nyangu.

Rapar mar Chik 16:3

Kik ucham sawono gi makati moketie thowi, to kuom ndalo abiriyo unucham mana makati ma ok ketie thowi, ma en ranyisi mar sandruoku, nikech nuwuok Misri kurikni. Mano nobednu rapar mochwere muparogo chieng’ mane uwuokie Misri.

Rapar mar Chik 23:6

Kik udwar gima dikelnigi kue kata gima dikelnigi dongruok e ndalou duto.

Rapar mar Chik 8:18

to paruru Ruoth Nyasaye ma Nyasachu, nimar en ema omiyou teko mar yudo mwandu. Kamano ochopo singruok mane omiyo kwereu, kokuong’ore.

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Rapar mar Chik 9:7

“Paruru ma wiu ok owil kaka numiyo Ruoth Nyasaye ma Nyasachu mirima e thim, chakre chieng’ mane uwuokie Misri nyaka chieng’ mane uchopoe ka, usebedo kutamoru winjo Ruoth Nyasaye.

Joshua 2:1

Kane pod gin Shitim, Joshua wuod Nun nooro jombetre ariyo ling’ling’ mondo odhi ocheng piny. Jombetrego nodhi Jeriko modonjo e od dhako moro ma ohodho ma nyinge Rahab, kendo ne ginindo kanyo.

Joshua 3:1

Gokinyi mang’ich, Joshua kod jo-Israel duto nowuok Shitim, mi gidhi aora Jordan. Ne gibworo kanyo ka pok ging’ado aora.

Joshua 4:19

Jo-Israel nong’ado aora Jordan tarik apar mar due mokwongo, kendo ne gibworo Gilgal, yo wuok chieng’ mar Jeriko.

2 Petro 2:15

Giseweyo yo ma oriere tir, mi gilal, nimar giseluwo mana yor Balaam wuod Boer, mane oketo chunye kuom yudo pok mar tim maricho.

1 Johana 1:9

To ka wahulo richowa, to oweyonwagi, kendo opwodhowa kuom tim duto ma ok odhi kare, nikech en jaadiera, kendo otimo mana gima kare.

Juda 1:11

Mano kaka ginine malit! Gise mana luwo yo mane Kain oluwo, kendo gisemwomore e ketho mar Baalam nikech gihero pesa, bende giseng’anyo kaka Korah nong’anyo, mi girumo mana kaka en bende norumo.

Fweny 2:14

To kata kamano, an kodi gi weche moko, nikech in gi ji moko kanyo maluwo puonj mar Baalam, mane opuonjo Balak kaka onyalo miyo jo-Israel tim richo kuom chamo chiemo mosetimgo ni nyiseche manono misango, kendo kuom terruok.

Jong’ad Bura 11:25

Koso iparo ni iber moloyo Barak wuod Zipor ruodh Moab, mane ok odhaw gi jo-Israel kata omonjogi?

Jong’ad Bura 5:11

Winjuru dwond jower magoyo thum, kuonde ma mon umboe. Gipako Ruoth Nyasaye kuom lochne, nikech obedo kaka thwon jo-Israel. Jo-Ruoth Nyasaye nolor, kowuok e miechgi.

1 Samuel 12:7

Emomiyo chung’uru mos, mondo awuo kodu e nyim Ruoth Nyasaye, ka aparonu timbe makare duto mane Ruoth Nyasaye otimonu, kendo otimo ni kwereu.