Mika 6:4 - MUMA MALER 2015

⁴ Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Motingʼo Loko Manyien

⁴ Ne agolou e piny Misri kendo agonyou thuolo e piny wasumbini. Ne aoro Musa, mondo otelnu, bende naoro Harun gi Miriam.

Mika 6:4 ပူးပေါင်းရင်းမြစ်များ

2 Samuel 7:23

Ere oganda moro e piny, machalo gi jogi Israel? Bende nitie jopiny moro mane isedhi miwaro e tich misumba, miloko jogi? Ere oganda moro, misetimonigi gik madongo malich, kimiyogo nyingi duong? Koso ere oganda machielo misereso, kigolo Misri mondo obed jogi iwuon, kendo kiriembonigi ogendini mamoko gi nyisechegi mondo oweni thuolo?

Zaburi 77:20

Ne itayo jogi ka jakwath, ka gin e lwet Musa gi Harun.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 3:10

Omiyo koro abiro ori ir Farao mondo igol joga ma jo-Israel oa e piny Misri.”

Wuok 4:10

Musa nowacho ni Ruoth Nyasaye niya, “Ruoth kiyie; ok an ng’at mong’eyo wuoyo e nyim ji, kata mana sani, ma koro isewuoyo kodani, pod an mana kamano. Lewa pek, kendo aywayo wach.”

Wuok 4:16

Harun biro wuoyo gi ji kari, nimar en ema nobedni ka dhogi, to in ema nibedne ka Nyasaye, kinyise gima onego owachi.

Wuok 6:27

Musa gi Harun gogo ema nowacho ni Farao ruodh Misri ni mondo owe jo-Israel oa Misri.

Jeremia 32:21

Ne itiyo gi tekoni maduong’ kod riekoni kuom timo ranyisi gi honni mane ibwogogo wasikwa, mi igolo jogi e piny Misri.

Amos 2:10

Ruoth Nyasaye nochako owacho niya, “An ema nagolou e piny Misri, mi atelonu e thim kuom higni piero ang’wen, kendo namiyou piny jo-Amor mondo obed maru.

Kwan 12:1

Miriam gi Harun ne jochako kuodho Musa nikech nyar Kush mane okendo.

Kwan 33:1

Kane Musa gi Harun otelo ni jo-Israel e dhoutgi ka giwuok e piny Misri,

Tich Joote 7:36

Musa nogono ema nogolo jo-Israel e piny Misri, kotimo honni gi ranyisi kuno, kendo e Nam Makwar, kendo komedo timogi e thim kuom higni piero ang’wen.

Rapar mar Chik 15:15

Paruru ni ne un wasumbni e piny Misri, to Ruoth Nyasaye ma Nyasachu noresou. Mano emomiyo amiyou chikni.

Rapar mar Chik 24:18

Paruru ni ne un wasumbni e piny Misri, to Ruoth Nyasaye ma Nyasachu noresou mogolou kuno. Mano emomiyo achikou ni mondo utim kamano.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

Rapar mar Chik 4:34

Koso nitie Nyasaye moro mosetemo golo oganda moro kuom oganda machielo mane oselokogi wasumbni? Bende nyasaye moro osetimo timbe madongo gi ranyisi kod honni, kokedo gi teko maduong’ kendo komiyo ji luoro kod kibaji? To Ruoth Nyasaye ma Nyasachu notimonu gik ma kamago kogolou Misri mana kuneno gi wang’u.

Rapar mar Chik 5:6

“ ‘An e Ruoth Nyasaye ma Nyasachu ma nogolou e piny Misri kuma ne ubedoe wasumbini.

Rapar mar Chik 7:8

Noyierou mana nikech noherou, kendo nikech norito singruok mane otimo ni kwereu. Mano emomiyo nogolou gi tekone maduong’ e piny mane unie wasumbini, moresou e lwet Farao ruodh Misri.

Rapar mar Chik 9:26

Nalamo Ruoth Nyasaye kakwaye niya, ‘A Ruoth Nyasaye ma Ruodha, kik itiek jogi, nimar gin mwanduni mane iwaro gi tekoni maduong’, mi igolo Misri gi bat motegno.

1 Samuel 12:6

Eka Samuel nowacho ni ji niya, “Adier, Ruoth Nyasaye mane omiyou Musa gi Harun, kendo mane ogolo kwereu e piny Misri, ema obedo janeno.