Mika 6:2 - MUMA MALER 2015

² Un gode, kendo un mise mochwere mag piny, winjuru weche ma Ruoth Nyasaye dwaro yalo, nikech en gi bura gi joge, kendo obiro yalo kodgi.

Motingʼo Loko Manyien

² “Un gode, winjuru wach ma Jehova Nyasaye nigo kodu, chikuru itu un mise mochwere mag piny. Nikech Jehova Nyasaye nigi wach kod joge; en gi bura gi jo-Israel.

Mika 6:2 ပူးပေါင်းရင်းမြစ်များ

2 Samuel 22:16

Kane Ruoth Nyasaye okudho ka yamb nyakoi, kendo okwerogi, mise mag piny noelore kendo kude mag nam nofwenyore.

2 Samuel 22:8

Piny notetni, kendo oyiengni. Mise mag polo bende notetni kendo okirni, nikech mirimb Ruoth Nyasaye

Zaburi 104:5

Iseguro piny ewi mise mare, mondo kik ong’ingni ngang’

Ngeche 8:29

mi ogolo chik ni pi, mondo kik kadh kama oketo. Bende ne antie kane oketo mise mar piny.

Isaya 1:18

Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

Isaya 3:13

To Ruoth Nyasaye biro mondo oyal kendo ong’ad bura ni joge.

Isaya 43:26

Parnauru gik mane otimore chon, mondo wapim wach kaachiel. Wachuru wecheu ane, manyiso ni uonge gi ketho.

Isaya 5:3

Koro un jo-Jerusalem kod jo-Juda, ng’adieuru bura e kinda kod puotha mar mzabibu.

Jeremia 2:9

“Emomiyo an Ruoth Nyasaye abiro yalo joga kendo. Abiro yalou, kendo abiro yalo nyikwau.

Jeremia 25:31

Dwonde winjore e tung’ piny duto, nikech Ruoth Nyasaye yalo ogendini. Ee, oyalo ji duto, kendo ong’ado ni joricho buch tho.’ ”

Jeremia 31:37

Ka da bed ni polo inyalo pimo, kata mise mag piny inyalo nono maber, to eka Ruoth Nyasaye dijwang’ jo-Israel nikech gik maricho ma gisetimo.

Hosea 12:2

Ruoth Nyasaye dwaro yalo jo-Juda, bende obiro kumo jo-Israel maromre gi timbegi maricho.

Hosea 12:3

Jakobo kwargi nowuondo owadgi ka pod gin ei min-gi, kendo kane osedongo, ne oi gi Nyasaye.

Hosea 4:1

Ruoth Nyasaye ni kod wach ni ji modak e pinyni. Omiyo un jo-Israel chikuru itu mondo uwinj ane gima owacho. Owacho kama: “Dimbruok kod hera onge e pinyni, kendo ji ok oyie kata mana kuom Nyasaye.

Mika 6:1

Winjuru kaka Ruoth Nyasaye yalo jo-Israel. A Ruoth Nyasaye, bi mondo ihul wachni ka gode winjo kendo bedo joneno.

Rapar mar Chik 32:22

Mirimba osemoko mach! Mawang’o piny kaachiel gi gik manyakie, kendo owang’o mise mag gode, bende ochopo kata kar joma otho e liel piny.

Rapar mar Chik 4:26

Koro aluongo polo gi piny mondo obed janeno ni, ka timbeu obedo maricho e nyim Ruoth Nyasaye ma Nyasachu kamano, mokecho kodu, to unurum piyopiyo, kendo ok nudag aming’a e piny ma koro ung’ado Jordan mondo udhi ukaw, to notieku chuth.