Mika 6:12 - MUMA MALER 2015

¹² Joma jomoko manie dalani mayo joma odhier. Gin jomriambo mosiko ka hango wach ahanga.

Motingʼo Loko Manyien

¹² Joge machwo momewo gin joma ohero lweny. To joge mamoko duto gin jo-miriambo kendo lewgi wacho miriambo.

Mika 6:12 ပူးပေါင်းရင်းမြစ်များ

Zaburi 120:2

A Ruoth Nyasaye, konya kuom jomriambo gi jomganga.

Zaburi 35:20

Wechegi ok gin weche makelo kue, to gihango weche ma yoreyore kuom ji duto mohero kue.

Zaburi 78:36

To kata kamano ne giwuonde ka giwachone mana weche mag miriambo.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Isaya 3:8

Jerusalem nokethre kendo Juda nopodhi nikech gisewuoyo marach kuom Ruoth Nyasaye, bende gisetimone timbe maricho, ka gipiem gi duong’ne mang’ongo.

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Jeremia 9:8

Lewni chalo gi asere man gi kwiri mager, kendo dhogi wacho weche mag miriambo. Ng’ato ka ng’ato wuoyo mang’won gi wadgi, to kara e chunye kucha to ochikone mana obadho!

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Hosea 7:13

“Gidiwo, nimar giseweya mi gipiem koda, omiyo ibiro tiekgi. Ne adwaro resogi, to giwacho miriambo kuoma.

Amos 2:4

Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Amos 6:4

Un ma unindo e kitendni molos gi lak liech, kendo utaroru e kombe madongo, kuchamo nyirombe mugolo kuom jambu, kod nyiruedhi machue mopidh maber.

Zefania 1:9

Chieng’no abiro kumo jogo duto mamiel e laru mar Hekalu, kendo mapong’o od ruodhgi gi timbe mahundu kod timbe mag wuond.

Zefania 3:3

Jotende ne chalo gi sibuoche ma ruto e iye, kendo ruodhi mage ne chalo gi ondiegi mawuotho gotieno, ma ok we piny ru ni gimoro ka pok gitieko,

Tich Joote 24:9

Jo-Yahudi bende noriwore gi Tertulo, ka giramo ni wechego duto gin adier.

Jo-Rumi 3:13

“Dhogi chalo gi bur mong’amo dhoge, kendo giwacho mana miriambo lilo.” “Wechegi chalo gi kwich thuond rai.”