Mika 5:5 - MUMA MALER 2015

⁵ mi enobed ng’at makelo kue. Ka jo-Asuria omonjo pinywa, mi omwomo miechwa mochiel motegno, to wanaor jotendwa marateke moloyo, mondo oked kodgi,

Motingʼo Loko Manyien

⁵ kendo en owuon ema nobed kwe margi. Ka jo-Asuria omonjo pinywa, kendo ka ginyono kuondewa mochiel motegno, to wabiro yiero jokwath abiriyo mondo oked kodgi; adier jotendwa aboro norad kodgi.

Mika 5:5 ပူးပေါင်းရင်းမြစ်များ

Ayub 5:19

E kinde ka kinde obiro resi kuom hinyruok.

Zaburi 72:7

Tim makare onego olandre e ndalone, kendo ji onego odhi maber nyaka chieng’.

Ngeche 30:18

Nitie gik moko adek motama winjo. Chutho, gin gik moko ang’wen ma tiendgi odhiera ng’eyo.

Ngeche 30:29

Nitie gik moko adek ma ber rango, kawuotho. Chutho, gin gik moko ang’wen.

Ngeche 6:16

Nitie gik moko auchiel ma Nyasaye mon-go. To chutho, gin gik moko abiriyo ma ok onyal yiego:

Eklesiastes 11:2

Adier, pog apoga gigi ni ji mang’eny, nikech ikia gima kiny notimre kiny.

Isaya 14:25

Ananeg jo-Asuria manie piny, kendo nanyon-gi piny gi tienda e godena. Eka nagol jok mane ruodh Asuria oketo kuom joga, kendo nagony ting’ mapek mane omiyogi.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Isaya 59:19

Kamano ji man yo podho chieng’ gi joma ni yo wuok chieng’ noluor nying Ruoth Nyasaye, kod duong’ne maler, nimar enobi ka aora ma mwomore, ma much Ruoth Nyasaye ema tero.

Isaya 65:8

Ruoth Nyasaye wacho kama: “Kaka olemo moko mabeyo ma dilosgo divai nyalo yudore e saga marach, ma ji kwer ni, ‘Kik wit sagano, nimar oting’o hawi,’ e kaka abiro timo ni jotichna, mi ok natiek oganda duto.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 33:15

E kindeno anakel nyakwar Daudi hie, mi enotim gik malong’o kendo makare.

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Amos 1:6

Ruoth Nyasaye owacho niya, “Jo-Gaza osetimo richo mang’eny, omiyo abiro kumogi mak orem, nikech ne gikawo oganda ngima, mi giketo e lwet jo-Edom.

Zekaria 10:11

Ka ging’ado nam Misri, to apaka nokue. Adier, kuonde matut duto mag aora Nael noduon. Sunga ma jo-Asuria sungorego nodwok piny, kendo loch mar Misri norum.

Zekaria 10:3

Ruoth Nyasaye wacho niya, “Mirima omaka gi jotend joga, omiyo abiro kumogi. To an Ruoth Nyasaye abiro konyo jo-Juda, ma akwano ka jamba, mi ami gibed marateke ka farese mag lweny.

Zekaria 12:6

“E kindeno anami dhout Juda bed ka mach manie bungu kata manie puoth tiang’. Ginitiek ogendini duto mokiewo kodgi koni gi koni. Jo-Jerusalem to nodag gi kue e dalagi.

Zekaria 9:10

Ruoth Nyasaye wacho niya, “Abiro golo geche mag lweny oa e piny Israel, kendo abiro tieko farese mag lweny man Jerusalem. Bende atunge mag jolweny biro rumo. Ruodhno nokel kue ni ogendini duto, kendo lochne noyarre, koa e nam man yo imbo nyaka nam man yo wuok chieng’, bende koa e aora Yufrate nyaka tung’ piny koni gi koni.

Zekaria 9:13

Aseloko Juda atung’ kendo asetimo Israel asere. Asekawo yawuoti yaye Sayun, mi aloko ligangla ma akedogo gi jo-Yunani.”

Luka 2:14

“Duong’ obed ni Nyasaye e polo malo, kendo kue obedi e piny, ni joma Nyasaye oyiero!”

Johana 14:27

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Johana 16:33

Asenyisou wechegi duto mondo kubedo kuoma, to uyud kue. Unune malit e piny, to beduru modhil, nimar an aseloyo piny!”

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 19:14

Ogend lweny mag polo ne luwo bang’e koidho farese marachere, kendo korwakore gi lewni mabeyo kendo maler.