Mika 5:2 - MUMA MALER 2015

² Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Motingʼo Loko Manyien

² “To in Bethlehem Efratha, kata obedo ni itin e dier dhout Juda, kuomi ema ngʼat manobedna jatend Israel nowuogie, ngʼat machakruok mare noa chon, kinde machon gi lala.”

Mika 5:2 ပူးပေါင်းရင်းမြစ်များ

Chakruok 35:16

Ne giwuok Bethel, to kane pod gin mochwalore gi Efrath, muoch nochako kayo Rahel malit.

Chakruok 35:19

Kamano Rahel notho, moyike but yo madhi Efrath, ma tinde iluongo ni Bethlehem.

Chakruok 48:7

“Kane aduogo aa Mesopotamia, nabwok malich ka ne Rahel meru othona e piny Kanaan ka pok wachopo Efrath. Ne ayike kuno but yo madhi Efrath” (Efrath iluongo bende ni Bethlehem.)

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

1 Weche mag Ndalo 2:54

Joka Salma ne gin jo-Bethlehem gi jo-Netofa gi jo-Atroth-beth-joab gi joka Manahath modong’, gi jo-Zor

1 Weche mag Ndalo 4:4

Penuel ne wuon Gedor. Ezer ne wuon Husha. Ne gin joka Hur wuod Efratha makayo ma wuon Bethlehem.

1 Weche mag Ndalo 5:2

nimar Juda noloyo owetene gi duong’, nikech ode ema nodoko od ruoth. To adier duong’ mar dala ne en mar Josef.

Zaburi 132:6

Ne wawinjo ni Sandug Muma ni Efrata, mi ne wayude e paw Jaar.

Zaburi 90:2

Kane pok ochue gode, kata kane piny pok obetie, in e Nyasaye ma nyaka nene kendo manyaka chieng’.

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Wuok 18:25

Noyiero joma riek kuom jo-Israel duto, moketogi jotelo mag ji alufu achiel achiel, gi mag ji mia mia, gi mag ji piero abich abich, kod mag ji apar apar.

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 53:2

Jatich Ruoth Nyasaye nodongo e nyime mana ka yath ma tiendene nie lowo motwo. Ne oonge gi chia, bende ne oonge gi duong’ moro, mane nyalo mako wang’wa, mi mi wahere.

Isaya 55:4

Ne akete mondo obed jaote ni ogendini duto. Ee, nakete jatelo kendo japuonj ji.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 30:21

Ruodhgi nobed mana ng’atgi giwegi. Ee, jatendgi nowuog mana kuomgi. Ka aluonge, to nobi buta machiegni, nikech onge ng’ama dihedhre sudo machiegni ka ok aluonge.

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Mika 4:10

Un jo-Jerusalem, rudhreuru arudha e lowo kuywak mana ka dhako manywol, nimar nyaka koro ua e dalau udhi udag oko e thim, kiterou Babulon, kuma Ruoth Nyasaye nokonyoue, kendo noresue kuom wasiku.

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Mathayo 2:1

Kane onywol Yesu e dala mar Bethlehem e piny Judea, e ndalo loch ruoth Herode, ajuoke moko moa yo wuok chieng’ nobiro Jerusalem,

Mathayo 2:6

‘In Bethlehem manie piny Judea, ok itin ngang’ e wang’ jotend Juda. Kuomi ema jatelo ma norit joga Israel nowuogie.’ ”

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Luka 23:2

mi gichako donjone kuno, ka giwacho niya, “Ne wanwang’o jali kapuonjo jowa marach, kokwerogi ni kik gigol osuru ni Kaisar, kendo kowacho ni en owuon en Mesia, tiende ni ruoth.”

Luka 23:38

Bende ewi msalaba malo nondiki ni, “JALI E RUODH JO-YAHUDI.”

Johana 7:42

Donge Muma wacho ni Mesia nobed nyakwar Daudi, kendo ni nonywole Bethlehem, dala Daudi?”

Rapar mar Chik 1:15

Omiyo nakawo ji man gi rieko kendo molony, maketo mondo oritu. Moko kuomgi naketo jotend ji gana, to moko jotend ji mia mia, to moko jotend ji piero abich abich, kod ji apar apar, kendo moko bende naketo jotelo mopogore opogore e dhoutu duto.

Jo-Kolosai 1:17

Kristo ne nitie kane pok ochue gik moko duto, kendo en ema gik moko duto oriwore kuome.

Jo-Hibrania 13:8

Yesu Kristo ok lokre, to en achiel, nyoro, tinende, kendo nyaka chieng’.

Jo-Hibrania 7:14

Ong’ere malong’o ni Ruodhwa noa e dhood Juda. To kane Musa owuoyo kuom tich jodolo ne ok omulo nying dhood Juda.

1 Johana 1:1

Wandikonu kuom Wach mar ngima, mosebetie a chakruok. Wasewinje kendo wasenene. Adier, wasenene gi wang’wa kendo lweta bende osemule.

Fweny 19:16

En gi nying moro mondiki e lawe kendo eme ni, “Ruodh ruodhi, kendo Jaduong’ jodongo.”

Fweny 2:8

“Ndik ni malaika mar kanyakla mar jo-Kristo man Smurna kama: ‘Weche mag Jal Mokwongo kendo Mogik e magi. En e Jal mane otho, kendo ochako obedo mangima.

Fweny 21:6

Bang’ mano nowachona niya, “Gik moko duto osetimore! An e Alfa gi Omega, tiende ni Chakruok gi Giko. Ng’at ma riyo oloyo anami pi soko mar ngima nono, ma ok ochulo gimoro.

Jong’ad Bura 17:7

Ne nitie wuowi moro ma ja-Bethlehem-Juda, ma nyinge Ben-gershom. Ne en ja-Lawi ma ja-dhood Juda.

Ruth 1:1

E ndalo mane jobura rito piny Israel kech nowuok, mi ng’at moro ma ja-Bethlehem-Juda nodhi gi chiege kod yawuote ariyo mondo odag e piny Moab.

Ruth 4:11

Eka jodongo, kaachiel gi ji duto mane nie dhorangach, nowacho niya, “Wan joneno. Ruoth Nyasaye mondo oguedh dhako ma donjo e odino, obed machal gi Rahel kod Lea, mon ariyo ma nogero dhood Israel. Bende in mondo iyud duong’ e Efratha, kendo ibed gi pak mathoth e Bethlehem.

1 Samuel 10:19

To un koro usedagi Nyasachu, ma noresou e masicheu, kod chandruoku duto, kendo usekwaye mondo oketnu ruoth. Emomiyo koro chung’uru e nyim Ruoth Nyasaye, kuchanoru e libembni mau, kendo e dhoutu.”

1 Samuel 17:12

Daudi ne en wuod ja-Efrath ma Bethlehem-Juda, ma nyinge Jesse, mane nigi yawuowi abiriyo. E ndalo mag Saulo, Jesse nosebedo jaduong’ moti ahinya.

1 Samuel 17:18

Modhi mong’in apargi bende ter ni jaduong’gi mar lweny. Dhi ine kaka oweteni obet, kendo iduogna wach ma kuomgi.

1 Samuel 23:23

Ng’euru kuonde duto mopondoe, kendo uduogna wach madier. Eka anadhi kodu, kendo ka en e pinywa ka, to anadware kuom dhout Juda nyaka ayude.”

1 Samuel 8:12

Enoketgi jodong lweny madongo gi matindo, kendo noket jomoko mondo opur puothene, mi gika chambe, kendo moko nolos gige mag lweny gi gik moko mag gechene.