Mika 5:14 - MUMA MALER 2015

¹⁴ Abiro muko sirni milamo e pinyu, mi aketh miechu,

Motingʼo Loko Manyien

¹⁴ Abiro muko sirni mag nyasachu ma Ashera mi agol kuomu kendo abiro ketho miechu madongo chuth.

Mika 5:14 ပူးပေါင်းရင်းမြစ်များ

2 Ruodhi 17:10

Ne gichungo sirni milamo mag kite gi mag yien ewi gode maboyo duto, kendo yiend yath moro amora motimo otiep.

Zaburi 149:7

mondo gigolgo ogendini mamoko, kendo gikumgi.

Zaburi 149:9

kendo gikumgi mana kaka Nyasaye osechiko. Mano e mor mar jo-Nyasaye! Pakuru Ruoth Nyasaye.

Wuok 34:13

Nyaka umuk kendegi mag liswa, kendo uketh sirni maggi milamo, mag kite gi mag yien.

Isaya 17:8

Ok ginichak giket genogi kuom kende-mag-liswa, ma lwetgi ema oloso, kata kuom gimoro amora ma gin giwegi ema giseloso, bed ni en sirni milamo, kata kende mag ubani.

Isaya 27:9

Kapok richo mag jo-Israel opwodhi, to nyaka giketh kendegi mag liswa, mi gireg kitegi olokre buru, kendo ging’ad oko yien gi sirni duto milamo.

Jeremia 12:17

To ka oganda moro otamore, to anapudhe oko, mi akethe chuth. An Ruoth Nyasaye ema awacho kamano.”

Ywagruok 2:2

Ruoth Nyasaye oseketho mier duto mag joka Jakobo, ka ok okechogi. Nomuko kuonde mochiel motegno e piny Juda ka en gi mirima mager. Ne omukogi nyaka e lowo, mokuodo wi jotelo, kodwoko loch pinyno chien.

Nahum 1:14

Ruodh Asuria to awachone kama: ‘Asegolo chik mondo nyingi orum chuth! Yawuoti ok nobed ruodhi kari, kendo abiro ketho nyisecheni manie hekalu mari, mi ananegi nikech in gima nono!’ ”