Mika 5:12 - MUMA MALER 2015

¹² Abiro ketho timbe ajuoke duto, kendo ok nuchak ubed gi jokor wach kata achiel.

Motingʼo Loko Manyien

¹² Abiro tieko timbeu mag jwok ma ok unuchak ugo gagi kendo.

Mika 5:12 ပူးပေါင်းရင်းမြစ်များ

Isaya 2:18

Nyiseche manono duto nokethi, mi tiek chuth.

Isaya 2:20

Adier, chieng’ ma Ruoth Nyasaye oa malo mondo oyieng piny, to nyiseche manono mane ji oseloso gi fedha kod dhahabu, giniwit ni olwende kod oliktiga

Isaya 27:9

Kapok richo mag jo-Israel opwodhi, to nyaka giketh kendegi mag liswa, mi gireg kitegi olokre buru, kendo ging’ad oko yien gi sirni duto milamo.

Isaya 44:17

Bang’e bath yadhno modong’ to opayo, kendo olosogo nyasaye, mokulorene nyaka e lowo, kendo olamo, kowacho niya, “Resa, nimar in e nyasacha!”

Ezekiel 16:41

Giniwang’ uti, mi gikumi, mana ka mon mang’eny neno. Kamano anatiek timbeni mag chode, mi iwe chiwo gik moko ni osiepeni.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Zekaria 13:1

Ruoth Nyasaye Manyalo Gik Moko Duto wacho niya, “Ka ndalogo ochopo, to soko noyawre ni nyikwa Daudi kod jo-Jerusalem mondo opwodhgo richogi gi timbegi makuero.

Rapar mar Chik 18:14

“Ogendini ma ubiro kawo pinygigo oyie gi weche jombofwa kod weche jokor, to un, Ruoth Nyasaye ma Nyasachu okwerou ni kik utim gik ma kamago.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.