Mika 5:11 - MUMA MALER 2015

¹¹ Anaketh miechu, mi amuk kuondeu duto mochiel motegno mag siro lweny.

Motingʼo Loko Manyien

¹¹ Anaketh mier madongo manie pinyu mochiel motegno kendo anamuk ohingau.

Mika 5:11 ပူးပေါင်းရင်းမြစ်များ

Isaya 1:7

Pinyu odong’ gunda, kendo miechu mach osewang’o, bende jopinje moko nono mayou chambu mana e wang’u kuneno. Adier, odong’ gunda, mana kaka Sodom nodong’, kosekethi.

Isaya 2:6

Ruoth Nyasaye osejwang’ou nikech uyie gi jo yo wuok chieng’ ma dhi ajuoga, kendo mawuoyo gi jochiende mana ka jo-Filistia. Bende jopinje mamoko yudore kamoro amora e pinyu.

Isaya 27:9

Kapok richo mag jo-Israel opwodhi, to nyaka giketh kendegi mag liswa, mi gireg kitegi olokre buru, kendo ging’ad oko yien gi sirni duto milamo.

Isaya 6:11

Bang’e ne apenjo niya, “Yaye Ruoth Nyasaye, gima kamano biro timore nyaka karang’o?” Eka nodwoka niya, “Mano biro timore nyaka mier lokre gundni, mi udi dong’ nono, ma onge ng’ama odakie, kendo piny kethre chuth,

Ywagruok 2:2

Ruoth Nyasaye oseketho mier duto mag joka Jakobo, ka ok okechogi. Nomuko kuonde mochiel motegno e piny Juda ka en gi mirima mager. Ne omukogi nyaka e lowo, mokuodo wi jotelo, kodwoko loch pinyno chien.

Ezekiel 38:11

Iniwach e chunyi niya, ‘We adhi amonj piny kama ji odakie mos gi kueno. En gi mier ma ok ochiel gi ohinga, kendo maonge gi dhorangeye molor matek.’

Hosea 10:14

lweny biro buko jou, mi miechu mochiel motegno nokethi. Enochal gi kinde mane ruoth Shalman okethoe dala mar Betharbel gi lweny, monego kata mana mine gi nyithindgi.

Amos 5:9

En ema omiyo sulue wuok kendo podho, kaluwore, chakre Oluoro Budho nyaka Ratego.

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’