Mika 4:6 - MUMA MALER 2015

⁶ Ruoth Nyasaye wacho niya, “Kinde biro ma abiro chokoe joma ne akumo, tiende ni joma ne oter e tuech mi othagore.

Motingʼo Loko Manyien

⁶ Jehova Nyasaye wacho kama, “E odiechiengno anachok rongʼonde, gi joma oter e twech kod joma asekelo negi lit.

Mika 4:6 ပူးပေါင်းရင်းမြစ်များ

Zaburi 147:2

Ruoth Nyasaye chako gero Jerusalem kendo. Oduogo jo-Israel mane oter e tuech,

Zaburi 38:17

Adier, achiegni podho, kendo rem osiko koda.

Isaya 56:8

An Ruoth Nyasaye machoko jo-Israel moke, awacho kama: “Ji duto mane odong’ mak ochoki, pod abiro dwoko dala.”

Jeremia 3:18

Jo-Israel biro riwore gi jo-Juda, kendo gibiro wuotho kanyakla, ka gia yo nyandwat, ka giduogo e piny mane amiyo kwereu mondo obed mwandugi nyaka chieng’.

Jeremia 31:8

Abiro kelogi kagologi yo nyandwat, kendo abiro chokogi kagologi e tung’ piny koni gi koni, kaachiel gi muofni gi rang’onde mi mon mayach kendo ma muoch kayo, mi giniduogi, ka gin oganda maduong’.

Ezekiel 36:24

Anagolu e kind ogendini modak e pinje mopogore opogore, mi adwoku e pinyu uwegi.

Mika 2:12

“To un jo-Israel modong’ abiro chokou kanyakla mana ka rombe manie abila, kata ka kweth manie lek. Koko nogore e pinyu nikech ng’eny mar ji.

Zefania 3:19

Winjuru! Ka kindeno ochopo, to anakum joma thirou. Anakony rang’onde, kendo anachok joma oke, mi alok wichkuot mane joga nigo obed pak gi huma e piny ngima.

Luka 19:10

Wuod Dhano nobiro mondo omany joma olal, kendo oresi.”

Johana 10:16

To bende an gi rombe moko ma ok ni e duondni. Gin bende nyaka akelgi, kendo giniwinj duonda, eka rombe duto nobed kueth achiel man gi jakwath achiel.