Mika 4:5 - MUMA MALER 2015

⁵ Oganda ka oganda lamo nyasache kendo tiyone. Wan to wabiro lamo Ruoth Nyasachwa, kendo en ema wabiro tiyone nyaka chieng’.

Motingʼo Loko Manyien

⁵ Kata obedo ni ogendini mamoko duto nyalo wuotho e nying nyisechegi, wan to wabiro wuotho e nying Jehova Nyasaye ma Nyasachwa manyaka chiengʼ.

Mika 4:5 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

2 Ruodhi 17:29

To kata kamano, oganda ka oganda ne pod loso nyisechegi giwegi, kendo ketogi ei ut lemo mane jo-Samaria oloso e hembko mane ni kuonde moting’ore. Nyiseche mane oganda ka oganda oloso e miechgi e magi:

2 Ruodhi 17:34

Pod giluwo timbe machon-go nyaka chil kawuono. Ok giluoro Ruoth Nyasaye, bende ok giluw buchene gi yorene, kata mako puonjne, kata rito chik mane oketo ni nyikwa Jakobo, jal mane Ruoth Nyasaye oloko nyinge ni Israel.

Zaburi 20:6

Koro ang’eyo ni Nyasaye osekonyo ruoth moyiero mowir, kendo ni osedwoke gie polo malo, kokonye gi tekone maduong’ mondo olochi.

Zaburi 48:14

mondo chieng’ moro unyis tieng’ mabiro ni Nyasayeni en Nyasachwa mochwere, kendo obiro telonwa nyaka chieng’.

Zaburi 71:16

Ruoth Nyasaye, anapak timbeni madongo, kendo anahul timni makare. Ee, anahul timni kende.

Isaya 2:5

Biuru, yaye un joka Jakobo, mondo wawuoth e ler mar Ruoth Nyasaye.

Isaya 26:13

A Ruoth Nyasachwa, ruodhi moko ma ok in osebedo ka ritowa, to koro in kendi ema walami.

Isaya 26:8

Wan bende waluwo yo mondiki e chikeni, kwageni, A Ruoth Nyasaye. Gima chunywa dwaro moloyo en ni mondo nyingi oyud duong’.

Jeremia 32:40

Anatim kodgi singruok mochwere ni ok nawe timonigi maber, kendo anami giluora gi chunygi duto, mi ok ginibar giweya.

Zekaria 10:12

To an Ruoth Nyasaye ema nami jo-Israel teko, mi ginipaka ka gimiyo nyinga duong’. An Ruoth Nyasaye ema awacho kamano.”

Tich Joote 14:16

E kinde machon, Nyasaye noyie ni ogendini duto mondo oluw yoregi giwegi.

Rapar mar Chik 27:10

Winjuru Ruoth Nyasaye ma Nyasachu, kendo rituru chikene gi buchene ma amiyou kawuono.”

Jo-Kolosai 2:6

Kaka userwako Kristo ka ruoth, kamano bende e kaka onego udag kuome.

Jo-Kolosai 3:17

Gimoro amora ma uwacho kata utimo onego obedi e nying Ruoth Yesu, kugoyoni Nyasaye Wuoro erokamano e nyinge.

Joshua 24:15

Ka ok uikoru mar tiyone, to yieruru tinendeni nyasaye mubiro tiyone. Unyalo tiyone nyiseche mane kwereu lamo loka aora Yufrate, kata nyiseche mag jo-Amor, ma koro udak e pinygini. To an, kaachiel gi jooda, wabiro tiyo ni Ruoth Nyasaye.”