Mika 3:8 - MUMA MALER 2015

⁸ To an, Roho mar Ruoth Nyasaye opong’a, momiya teko gi rieko kod chir mar nyiso jo-Israel richogi.

Motingʼo Loko Manyien

⁸ An to apongʼ gi teko, apongʼ gi Roho mar Jehova Nyasaye, kod adiera kod nyalo mar hulo ne joka Jakobo kethogi, mar nyiso jo-Israel richogi gi kethogi.

Mika 3:8 ပူးပေါင်းရင်းမြစ်များ

Ayub 32:18

Ok anyal rito kapok awuoyo, kendo ok anyal mono weche wuok e dhoga.

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Jeremia 1:18

Ji duto manie pinyni, kaka ruodhi mag Juda, gi jodongo gi jodolo kod ji mamoko duto, biro bedo mamon kodi. To kawuono amiyi teko mondo isirgi. Ibiro chalo gi dala mochiel motegno, kendo gi siro mar chuma, kendo gi ohinga mar mula.

Jeremia 20:9

To ka awacho ni abiro weyi mondo kik achak awuo e nyingi, to wachni wang’o chunya, mana ka mach. Opong’o chokena, kendo ohewa ting’o ma ok anyal siro.

Jeremia 6:11

Kuom mano, Ruoth Nyasaye, mirimbi opong’a, kendo koro ohewa.” Eka Ruoth Nyasaye nowacho ni Jeremia niya, “Ol mirimba kata mana kuom nyithindo matugo e yore, kendo kuom yawuowi mochokore kanyakla. Mon gi chwo ibiro kawo koda ka joma oti mojwajni.

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ezekiel 16:2

“Wuod dhano, nyis Jerusalem gik makuero mosetimo,

Ezekiel 20:4

“Wuod dhano, ng’adnigi bura! Adier, kiparonigi timbe modwanyore mane kweregi otimo.

Ezekiel 22:2

“Wuod dhano, bende iikori mar yalo dala ma jonek opong’oni? Nyis jodalani gik maricho modwanyore ma gisetimo.

Ezekiel 23:36

Bang’ mano, Ruoth Nyasaye nopenja niya, “Wuod dhano, donge iikori mag ng’ado ni Ohola gi Oholiba bura? Donjnigi kuom gik modwanyore ma gisetimo.

Ezekiel 3:14

E kinde mane Roho oting’a malono, ne iya owang’, kendo abedo gi chuny lit, mi teko mar Ruoth Nyasaye nobiro kuoma.

Ezekiel 43:10

Ruoth Nyasaye nomedo wacho niya, “Wuod dhano, nyis jo-Israel wach Hekalu, mondo ging’e kaka ochalo, eka wigi okuodi kuom timbegi maricho.

Mathayo 7:29

nimar ne ok opuonj kaka jopuonjgi mag Chik puonjo, to ne opuonjo ka ng’at man gi teko.

Mariko 3:17

gi Jakobo kod Johana ma yawuot Zebedi, (mane ochako ni Boanerges, tiende ni, jomrima)

1 Jo-Korintho 2:4

bende kane alando wach to ne ok akonyora gi weche mariek maywayo ji, to teko mar Roho ema ne onyisou ni wach ma alando en adier,