Mika 3:6 - MUMA MALER 2015

⁶ Kuom mano ok ginichak giyud fweny moro gotieno, kendo ok ginichak gibed gi teko mar koro wach. Ler ma gineno nolokre mudho, kendo wang’chieng’ biro podhonigi.

Motingʼo Loko Manyien

⁶ Kuom mano otieno biro choponu ma ok nune fweny, mudho nojuku ma ok nungʼe weche mopondo. Chiengʼ biro podho ne jonabi kendo odiechiengʼ nolokrenegi mudho.

Mika 3:6 ပူးပေါင်းရင်းမြစ်များ

Zaburi 74:9

Ok wanyal neno gik maler mane watiyogo e lemo, bende koro waonge jonabi. Waonge gi ng’at mong’eyo ni gima osetimoreni biro siko nyaka karang’o.

Isaya 29:10

Nimar Ruoth Nyasaye osemiyo ubedo gi chuny mar nindo matut. Ee, osedino wengeu, (tiende ni jonabiu), kendo oseumo wiyeu, (tiende ni jou ma koronu wach.)

Isaya 59:10

Wamulo amula kor udi ka muofni. Adier, watuomore atuoma ka joma ok nen. Wachwanyore godiechieng’, mana ka gima piny oimore. Chutho wachalo mana joma otho e kind joma ngima.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Jeremia 15:9

Dhako man gi yawuowi abiriyo opodho piny ka muche orumo, nikech yawuotego duto osenegi. Piny othone mudho ka wiye okuot, kendo chunye chandore. Abiro miyo wasigu neg jou ma pod odong’ ka ngima. An Ruoth Nyasaye ema awacho kamano.”

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Ezekiel 13:9

Achiegni kumou, un jonabi maneno fweny ma ok adier, kendo ma koro weche mag miriambo. Ok unubed e chokruok mar joga, kendo nyingu ok nondik kaachiel gi nying jo-Israel mamoko, bende ok unuchak udog e pinyu, mi unung’e ni an e Ruoth Nyasaye.

Ezekiel 7:26

Masiche mathoth nomaku, kendo weche maricho kende ema unuwinji. Unugomb jonabi mondo onyisu gik mabiro timore, to ok unuyudi. Jodolo bende ok nobed gi gima gipuonjo ji.

Amos 8:11

Ruoth Nyasaye wacho niya, “Ndalo biro ma anakelie kech e piny, ok kech mar chiemo, kata riyo mar pi, to mana riyo mar winjo wach Ruoth Nyasaye.

Mika 2:6

Ji lwera, kawachona niya “Kik ilwerwa! We lwerowa gi weche ma kamago. Masira ma kamano ok bi makowa!