Mika 3:12 - MUMA MALER 2015

¹² Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Motingʼo Loko Manyien

¹² Emomiyo Sayun ibiro pur ka puodho, Jerusalem biro dongʼ gunda, got matin mogerie hekalu nobed ka bungu motwere moyugno.

Mika 3:12 ပူးပေါင်းရင်းမြစ်များ

Zaburi 107:34

Piny momew bende omiyo lokore piny motimo kado ma ok nyal pur.

Zaburi 79:1

A Nyasaye, ogendini ma ok ong’eyi osedonjo e piny jogi iwuon. Gisemiyo Hekalu mari maler obedo mogak, mi giketho Jerusalem chuth.

Isaya 32:14

Ji noring owe udi mabeyo madongodongo duto, mi dala ma yande ji thothie nodong’ nono. Nobed lek maber ni le mae thim, kendo jamni bende nokwae. Kuonde moting’ore mochiel motegno mag siro lweny, kod kuonde maboyo mag rito, nolokre thim kuom ndalo mang’eny,

Jeremia 17:3

kod gode duto manie pewe. Abiro miyo wasiku yak mwanduu duto, nikech richo ma usetimo kuonde duto e pinyu.

Jeremia 22:5

To ka ok urito wechego, to akuong’oranu ni od ruodhuni biro lokore gunda. An Ruoth Nyasaye ema awacho kamano.

Jeremia 22:6

“Od ruodh Juda berna mana ka piny Gilead, kendo ka got Lebanon, to kata kamano abiro loke thim, kama onge ng’at madakie.

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Jeremia 35:17

Omiyo an Ruoth Nyasaye Manyalo Gik Moko Duto kendo ma Nyasach Israel abiro kelo kuomu un jo-Juda gi jo-Jerusalem masiche duto mane asesiemougo, nikech ne ok unyal winja ka awuoyo kodu, bende ne ok unyal dwoka ka aluongou.”

Jeremia 44:2

“Un uwegi useneno masira mane akelo kuom Jerusalem gi mier mamoko mag Juda. Bende kata sani pod gikethore, ma onge ng’ama odakie.

Jeremia 52:13

Ne owang’o Hekalu mar Ruoth Nyasaye gi od ruoth kod ut joma dongo duto,

Jeremia 9:10

Jeremia nowacho niya, “Abiro ywago gode gi lege, nikech gisetwo, kendo onge ng’ama wuothoe. Ywak mar jamni tinde ok winji, kendo winy gi le duto mae thim oseringo.”

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ywagruok 5:18

nikech got Sayun osejwang’, mi ondiegi ema bayoe.

Mika 1:6

Kuom mano Ruoth Nyasaye wacho niya, “Abiro miyo Samaria dok gunda e pap, kama inyalo pidhoe mzabibu. Anang’iel kite mag dalano e holo mi awe mise mage tangalare.

Mathayo 24:2

To nodwokogi ni, “Donge uneno gigi duto? Awachonu adier ni onge kata kidi achiel mabiro dong’ kochung’ ewi wadgi, to giduto nowitgi piny.”