Mika 2:10 - MUMA MALER 2015

¹⁰ Auru malo mondo udhi! Ka eri ok en kama onego uyuee. Ubiro rado gi masira.

Motingʼo Loko Manyien

¹⁰ Auru malo, dhiuru kucha! Nikech kae ok en kar yweyo maru, nimar odwanyore, kendo okethore ma ok nyal kony.

Mika 2:10 ပူးပေါင်းရင်းမြစ်များ

1 Ruodhi 9:7

to anagol jo-Israel e piny mane amiyogi, kendo Hekalu masewalo ni nyingani naketh, mondo olal e wang’a, mi nying Israel nolok ka ngero, kendo gima ji duto jaro.

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Weche mag Ndalo 7:20

napudh jo-Israel ka buya, mi nagolgi e piny ma namiyogi, kendo Hekalu ma asegwedho mondo nyinga oyudgo duong’ni, naketh mondo olal e wang’a, mi naloke ka ngero, kendo gima ji duto jaro.

Zaburi 106:38

Adier, ne gichwero remb yawuotgi gi nyigi ma onge ketho ka gichiwonigi ni nyiseche manono mag Kanaan, mi piny nodoko mogak nikech remo ma nochuerno.

Zaburi 95:11

Mirima ne omaka, mi akuong’ora ni, ‘Ok ginidonj e piny mane adwaro miyogie yueyo.’ ”

Jeremia 10:18

nimar Ruoth Nyasaye owacho ni obiro golo ji duto modak e pinyni, kendo obiro sandou nyaka urum pep.”

Jeremia 3:2

Ranguru wi gode malo mondo uneye, bende nitie kamoro ma pok ulemoe kudwanyoru? Uchalo dhako ma jachode ma obet e bath yo karito chwo, kata ka ja-Arabu ma jamecho mopondo e thim, kakiyo joma odwaro yako. Usedwanyo piny gi timbeu maricho machalo timbe chode.

Jeremia 9:19

Winjuru ywak maywagore Sayun, ‘Waserumo chuth, kendo waseyudo wichkuot miwuoro. Osedarwa e pinywa, kendo miechwa osekethi.’ ”

Ezekiel 36:17

“Wuod dhano, e ndalo mane jo-Israel odak e pinygi, ne gidwanye gi yoregi kod timbegi makuero. Ne akwano timbegigo ka gima ochido, mana ka boke.

Ezekiel 36:19

Bende ne ang’adonigi bura kuom yoregi gi timbegi makuero, mi akeyogi e pinje mamoko, mi gidak e kind ogendini mopogore opogore.

Rapar mar Chik 12:9

Usebedo kutimo kamano nikech pok uchopo kar yueyo, ma en piny ma Ruoth Nyasaye ma Nyasachu miyou ka mwanduu.

Rapar mar Chik 30:18

to ng’euru maler ni karu nolal nono, kendo ok unudag aming’a e piny ma ubiro donjoe mondo ukaw, kuseng’ado aora Jordan.

Rapar mar Chik 4:26

Koro aluongo polo gi piny mondo obed janeno ni, ka timbeu obedo maricho e nyim Ruoth Nyasaye ma Nyasachu kamano, mokecho kodu, to unurum piyopiyo, kendo ok nudag aming’a e piny ma koro ung’ado Jordan mondo udhi ukaw, to notieku chuth.