Mika 1:8 - MUMA MALER 2015

⁸ Bang’e Mika nowacho niya, “Abiro ywak malit nikech wachni. Abiro wuotho gi tienda nono, kendo ka an duk, mondo anyisgo kuyo ma an go. Anahol ka dhiang’ kendo naywag ka tula

Motingʼo Loko Manyien

⁸ Kuom mano, abiro ywak kendo dengo; abiro wuotho duk kod tienda nono. Anaywag ka ondiek manie thim kendo nadengi ka tula.

Mika 1:8 ပူးပေါင်းရင်းမြစ်များ

2 Ruodhi 18:13

E higa mar apar gabich mar loch Hezekia, Senakerib ruodh Asuria nomonjo miech Juda duto mochiel gi ohinga, mokawo.

Ayub 30:29

An owadgi ondiegi, kendo tula e osiepna.

Zaburi 102:6

Achalo gi winyo modak kende e thim, kata ka tula modak e gunda.

Isaya 13:21

Kanyo ema ondiegi mae thim nonindie, kendo gik maricho mag bungu nopong’ udi man kuno. Tula mag thim bende nodagie, kendo jochiende notugie.

Isaya 13:22

Otoche noywagre e udigo. Bwe bende nodagi e udi madongo mabeyo. Yaye! Ndalo Babulon sudo machiegni. Adier, kinde matin ema odongne!

Isaya 16:9

Kuom mano, abiro ywago mzabibu mag Sibma mana kaka aywago Jezer. Un jo-Heshbon kod jo-Eleale, pi wang’a biro lwokou, nimar mahu mar lweny ema biro winjore e puotheu mag olembe monyak maber.

Isaya 21:3

Kane aneno fwenyno ne apuodora ka rem rama malit, mana ka dhako ma muoch kayo. Gik mane aneno kendo awinjo ne ogoya gi kibaji, mi adhier nono.

Isaya 22:4

Mano emomiyo awacho niya, “Weuru ng’iya! Weuru aweya, aywag malit! Kik utem kueyo chunya, nikech jowa oserumo.”

Isaya 32:11

Un mon ma sani odak e ngima maber, parreuru! Weuru dhil mudhilgono! Lonyreuru duk mondo utue piende gugru e nungou,

Jeremia 4:19

Iya nyawni! Awinjo rem malit! Yaye chunya! Chunya diko malit! Ok anyal ling’ nikech awinjo tung’ gi mahu mag lweny.

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Jeremia 9:10

Jeremia nowacho niya, “Abiro ywago gode gi lege, nikech gisetwo, kendo onge ng’ama wuothoe. Ywak mar jamni tinde ok winji, kendo winy gi le duto mae thim oseringo.”

Jeremia 9:19

Winjuru ywak maywagore Sayun, ‘Waserumo chuth, kendo waseyudo wichkuot miwuoro. Osedarwa e pinywa, kendo miechwa osekethi.’ ”

Ezekiel 32:18

“Wuod dhano, ywag jo-Misri, ma oganda maduong’. Witgi e Piny Joma Otho mondo gibed kuno gi ogendini mamoko marateke,

Mika 2:4

Ka kindeno ochopo, to ji nogou ngero, ka wero wend ywak niya, ‘Otiekwa chuth! Ruoth Nyasaye osekawo pinywa, mi omiyo joma oketowa e tuech!’

1 Samuel 19:24

En bende nolonyo lepe, kendo nodhumore e nyim Samuel mi noriere duk odiechieng’no gotienono duto. Emomiyo wachno olokore ngero ni, “Kara Saulo bende en achiel kuom jonabi.”