Mika 1:7 - MUMA MALER 2015

⁷ Kido mopa mag nyisechegi ibiro toyo matindo tindo kendo wang’ gi mach, mi lokre pidhe mag yugi. Ji noloso nyiseche manono gi mwandu mane giyudo kuom weyo Nyasaye, omiyo koro gibiro yudo gima romre gi richo mar weyo Nyasaye.”

Motingʼo Loko Manyien

⁷ Gige mopa molamo ibiro toyo matindo tindo; kendo mich mag hekalu mochiwo ibiro wangʼ gi mach; abiro ketho kido mage molos duto. Nikech michgo nochoko koa e chudo mar ochot, omiyo koro ibiro ti kodgi kaka chudo mar ochot.”

Mika 1:7 ပူးပေါင်းရင်းမြစ်များ

2 Weche mag Ndalo 31:1

Kane mago duto oserumo, jo-Israel duto mane osechokore Jerusalem nodhi e miech Juda. Ne gimuko sirni milamo mag kite gi mag yien, gi ut lemo mag hembko, kod kende-mag-liswa e piny Juda gi Benjamin kod Efraim gi Manase, nyaka ne gitieko kethogi duto te. Eka jo-Israel duto nodok e miechgi.

Isaya 2:18

Nyiseche manono duto nokethi, mi tiek chuth.

Isaya 23:17

To bang’ higni piero abiriyo Ruoth Nyasaye nokech Turo, mi resi, to kata kamano, dalano nodog e tije machon, mi oyud ohala kuom tiyo ni ogendini duto mae piny ngima, mana kaka dhako ma jachode yudo ohala kuom dwanyruok gi chwo.

Isaya 27:9

Kapok richo mag jo-Israel opwodhi, to nyaka giketh kendegi mag liswa, mi gireg kitegi olokre buru, kendo ging’ad oko yien gi sirni duto milamo.

Ezekiel 6:6

Mier madongo duto mag Israel nomuki, kendo kuonde moting’ore ma gilamoe nyiseche manono bende nokethi, mondo kendegi gi nyisechegi manono oketh matindotindo, kaachiel gi gik ma giwang’oe ubani, kendo gik moko duto mane giloso nolal nono.

Hosea 2:12

Anaketh yiende mag mzabibu gi ng’opene, ma owacho ni gin chudo mane chodene omiye. Anami yiende mag mzabibu kod yiende mamoko lokre bungu, kendo le ma e thim nokethgi.

Hosea 2:14

“To koro winjuru! Abiro kawe, mi atere e thim, kendo abiro wuoyo kode maber kuno, mi aduog chunye.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Hosea 8:5

Asedagi nyaroya mar dhahabu ma jo-Samaria lamo, kendo mirimba ng’ang’ni kuomgi. Koro pod gidwaro ni mondo akumgi nyaka karang’o?

Hosea 8:6

Jatich moro e Israel ema ne oloso kido manono, to kidono ok en Nyasaye! Kido mar nyaroya ma jo-Samaria lamono ibiro baro matindo tindo.

Joel 3:3

Ne gigoyo ombulu mondo gipoggo joga, kendo ne giuso yawuowi gi nyiri obed wasumbni, mondo pesa ma giyudo gichodgo, kendo gimadhgo kong’o.

Tim jo-Lawi 26:30

Anaketh kuonde hembko mau, kendo anamuk kendeu mag ubani. Anadhur ringreu motop kuom kido motop mag nyisecheu manono, kendo najwang’u.

Rapar mar Chik 23:18

Pesa ma dhako moro kata ma dichwo moro oyudo kuom chode kik kel e Od Ruoth Nyasaye ma Nyasachu mondo ochopgo kuong’ruok, nikech pesa moyud kamano okwedi e nyim Ruoth Nyasaye ma Nyasachu.

Rapar mar Chik 9:21

Eka nakawo gima nukethogo, ma en kido mar nyaroya mane uloso, mi awang’o e mach. Ne atoye matindotindo mi arege, molokore buru, kendo nakawo buruno makiro e aora mamol koa e got.

Fweny 18:3

Mano osetimore nikech ogendini duto osemadho divai makech mag terruokne. Ruodhi mag piny oseterore kode, kendo joohala mag piny bende osedoko jomwandu nikech ohala ma ngimane mamalo osekelonigi.”

Fweny 18:9

To ruodhi mag piny moseterore kode, kendo mosedak kode e ngimane mamalo noywage kasedo kod nyinge, kaneno ich mach mawang’e kadhuolore.

1 Samuel 5:4

Kinyne gokinyi mar ariyo, kane gibiro, ne ginwang’o ni Dagon ochako opodho piny auma e nyim Sanduk mar Ruoth Nyasaye, mi wiye gi luetene ochot, molwar e paw dhoot. Kor Dagon kende ema nodong’.