Mika 1:6 - MUMA MALER 2015

⁶ Kuom mano Ruoth Nyasaye wacho niya, “Abiro miyo Samaria dok gunda e pap, kama inyalo pidhoe mzabibu. Anang’iel kite mag dalano e holo mi awe mise mage tangalare.

Motingʼo Loko Manyien

⁶ “Kuom mano analok Samaria obed pith mar yugi, kama ipidhoe mzabibu. Abiro olo kite mag dalano nyaka e holo kendo abiro weyo mise mage nono li.

Mika 1:6 ပူးပေါင်းရင်းမြစ်များ

2 Samuel 17:13

Kata kapo ni odonjo e dala moro, to jo-Israel duto nokel tonde, mi giniywa udi duto ma e dalano nyaka aora, ma kata kidi matin ok nodong’ kanyo.”

2 Ruodhi 18:10

Nolworo dalano kuom higni adek, mokawo e higa mar auchiel mar loch Hezekia, kane Hoshea wuod Ela osebet ruodh Israel kuom higni ochiko.

2 Ruodhi 18:9

E higa mar ang’wen mar loch Hezekia, kane Hoshea wuod Ela osebet ruodh Israel kuom higni abiriyo, Shalmaneser ruodh Asuria nomonjo Samaria.

2 Ruodhi 19:25

To in Senakerib, kata obedo ni iwacho kamano, donge ing’eyo ni an Ruoth Nyasaye ema nachano chon mondo gigo otimre? Adier, ne achanogi chon, to koro amiyo gitimore. An ema ne achano mondo imuk mier mochiel motegno olokre gundni.

Isaya 17:1

Ma e wach mane Nyasaye onyiso e fweny kuom Damaski: Damaski biro kethore chuth, mi ute mukre kendo dhurre pidhe pidhe.

Isaya 25:12

Ruoth Nyasaye nomuk ohinga margi marabora ma gigeng’orego, mi ruombre piny e buru.”

Isaya 25:2

Iseketho mier, mi udi momukore odhurore pidhe pidhe. Adier, iseloko mier mochiel motegno pidhe mag kite, mi udi mabeyo mag jopinje mamoko osekethore chuth, kendo ok nochak oger.

Jeremia 31:5

Unuchak upidh mzabibu e gode mag Samaria, kendo joma opidhogi nocham olemo ma ginyago.

Jeremia 51:25

Babulon, ichalo gi got maketho piny ngima, to an Ruoth Nyasaye an jasiki. Abiro maki, mi agoyi piny milokri buru.

Jeremia 51:37

Babulon nodong’ gunda ma ondiegi ema dakie. Nobed kama bwogo ji ma onge ng’ama odakie, kendo kibaji nogo ji duto moneno gima osetimorene.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ywagruok 4:1

Mano kaka dhahabu ochido, kata mana dhahabu maberie moloyo! Kite mag Hekalu okere e akek yore duto.

Ezekiel 13:14

Abiro muko ohinga mane gimwonono, mi lal nono, kendo mise mare dong’ e lela. Enopodh kuomu, mi onegu. Bang’e ji duto nong’e ni an e Ruoth Nyasaye.

Hosea 13:16

Jo-Israel nyaka yud kum kuom kethogi, nimar gisepiem gi Nyasachgi. Gibiro tho e lweny kendo nyithindgi nochwad piny, mi ried iye mondgi mayach.”

Amos 5:11

Usethiro joma odhier, kendo usekawo chambgi moko kaka osuru. Kuom mano ok unudag e udi mabeyo mag kite musegero, bende ok unumadh divai kuom mzabibu mabeyo musepidho,

Amos 6:8

Ruoth Nyasaye Manyalo Gik Moko Duto osesingore owuon niya, “Asin gi sunga mar joka Jakobo, kendo asin gi utgi madongo dongo. Abiro chiwo Samaria ma dalagi, kod gik moko duto man e iye e lwet wasigu.

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Habakuk 3:13

Ibiro mondo ires jogi, kaachiel gi ruoth miseyiero. Iseketho od jaricho, chakre tado nyaka dier ot, kimuko mise mare chuth.

Mathayo 24:2

To nodwokogi ni, “Donge uneno gigi duto? Awachonu adier ni onge kata kidi achiel mabiro dong’ kochung’ ewi wadgi, to giduto nowitgi piny.”