Mika 1:12 - MUMA MALER 2015

¹² Jo-Maroth twenyore malit ka rem ramo, kendo gidwaro resruok, nikech Ruoth Nyasaye osekelo masira machiegni gi dhoranga Jerusalem.

Motingʼo Loko Manyien

¹² Joma odak Maroth chunygi chandore ka nigi rem mapek ka girito kony, nikech masira osebiro koa kuom Jehova Nyasaye mochopo nyaka dhoranga Jerusalem.

Mika 1:12 ပူးပေါင်းရင်းမြစ်များ

Ayub 30:26

Ne ageno yudo mor kod ler, to thagruok kod mudho ema ne obirona.

Isaya 45:7

Achueyo ler, kendo achueyo mudho. Akelo gueth, to masira bende an ema akelo. An Ruoth Nyasaye ema atimo mago duto.”

Jeremia 14:19

“A Ruoth Nyasaye iseweyo jo-Juda chuth koso? Adier, ichayo jo-Sayun? Ere gimomiyo isehinyowa malit kamano, ma ok wanyal chango? Ne wageno ni wabiro yudo gik mabeyo, to onge gima ber mane wayudo. Ne waparo ni ibiro changowa, to masira malit ema nopoyowa.

Jeremia 8:15

Ne wageno kue, to mana kayiem nono. Bende ne wageno ni wabiro yudo resruok, to masira ema obwogowa.

Amos 3:6

“Bende tung’ mar lweny nyalo ywak e dala mak omiyo ji luoro? Koso gimoro nyalo timore e dala ka ok Ruoth Nyasaye ema okelo?

Mika 1:9

nimar adhonde Samaria ok nyal chango. Kata mana Juda bende osebedo gi adhondego, nikech masira osechopo e dhoranga Jerusalem hie koma jowa odakie.”

Ruth 1:20

To Naomi nowachonigi niya, “Kik uluonga ni Naomi, tiende ni Ng’ama Mor, to luongauru ni Malit, nikech Ng’ama Nyalo Gik Moko Duto osetimona malit ahinya.

1 Samuel 4:13

E sa ma nochopoe, Eli noyudo obet e kom e dir yo, kang’icho, nikech chunye ne ridore, koparo Sanduk mar Nyasaye. Kane jalo odonjo e dala, monyiso ji wach, dala duto noywak,