Mathayo 9:38 - MUMA MALER 2015

³⁸ Emomiyo kwauru wuon puodho mondo oor jotich odhi okane cham.”

Motingʼo Loko Manyien

³⁸ Kuom mano, kwauru Ruodh keyo mondo oor jotich odhi e puothe mar keyo.”

Mathayo 9:38 ပူးပေါင်းရင်းမြစ်များ

Zaburi 68:11

Ruoth Nyasaye nogolo wach, mi oganda maduong’ mar mon nolando wach maberno.

Zaburi 68:18

Oidho malo, ka otelo ni joma omako e lweny. Bende oseyudo mich, koda ka kuom joma piem kode. Ruoth Nyasaye nodag kanyo nyaka chieng’.

Jeremia 3:15

Abiro ketonu jotelo moluora, kendo gibiro ritou gi rieko kod winjruok maber.

Mika 5:7

Jo-Israel modong’ mak otho nochal ni ogendini mang’eny ka koth ma Ruoth Nyasaye okelo ni cham, nikech dhano ok nyal kelo koth, to Nyasaye ema kele.

Mathayo 9:37

Omiyo nowacho ni jopuonjrene niya, “Cham ochiek mathoth, to jokeyo ema nok.

Johana 20:21

Yesu nowachonigi kendo niya, “Kue obed kodu! Kaka ne Wuora oora, e kaka an bende koro aorou.”

Johana 4:35

Donge uwacho ni pod dueye ang’wen eka cham chiegi? Anto awachonu ni, ng’iuru puothe maber, mondo une kaka cham osechiek moromo keyo!

Tich Joote 13:2

To kane oyudo gilamo Ruoth, kendo gitueyo chiemo, Roho Maler nowacho nigi niya, “Walnauru Barnaba gi Saulo oti tich ma aseluongogi mondo giti.”

Tich Joote 8:4

Joma oyie mane osekego nodhi kuonde duto kalando Wach Maber.

1 Jo-Korintho 12:28

Nyasaye oseketo ji e kanisane ma en kanyakla mar jo-Kristo duto, kama: mokwongo joote, mar ariyo johul wach moa kuom Nyasaye, mar adek jopuonj, eka joma timo honni, bang’e joma omi teko mar chango ji, gi joma konyo ji, gi joma omi tich telo ni ji, kod madhumo dhok mayoreyore.

Jo-Efeso 4:11

En ema nopogo mich ni ji, koyiero ji moko mondo obed joote, to moko johul wach moa kuom Nyasaye, kendo moko joland Wach Maber, to moko jotend jo-Kristo, to moko jopuonj.

2 Jo-Thesalonika 3:1

To koro owetewa, lemnwauru mondo Wach Ruoth olandre piyopiyo, kendo oyud duong’ kaka osetimore e kindu.