Mathayo 9:36 - MUMA MALER 2015

³⁶ Kane oneno ji kaka ng’eny, nokechogi, nikech ne gichandore, kendo gidiwo mana ka rombe ma onge jakwath.

Motingʼo Loko Manyien

³⁶ Kane oneno oganda maduongʼ mane olwore, nokechogi, nikech ne ichandogi kendo gionge gi kony, mana ka rombe maonge gi jakwath.

Mathayo 9:36 ပူးပေါင်းရင်းမြစ်များ

1 Ruodhi 22:17

Mikaya nowacho niya, “Naneno jo-Isarel duto koke e gode, ka rombe maonge jakwath; kendo nawinjo ka Ruoth Nyasaye wacho niya, ‘Jogi onge gi wuon-gi, we mondo gidog e miechgi gi kue.’ ”

2 Weche mag Ndalo 18:16

Mikaya nowacho niya, “Naneno jo-Israel duto koke e gode ka rombe maonge jakwath, kendo nawinjo ka Ruoth Nyasaye wacho niya, ‘Jogi onge gi wuon-gi, we mondo gidog e miechgi gi kue.’ ”

Isaya 13:14

Bang’ mano, ng’ato ka ng’ato nodog thurgi ir joodgi, mana ka le ma jodwar lawo, kata ka rombe moke ma onge ng’ama chiko.

Jeremia 50:6

“Joga chalo gi rombe molal ma jokwadhgi owito e gode. Gisebayo ka rombe maa got moro kadhi e got machielo, kendo wigi osewil gi kuma dalagi nitie.

Zekaria 10:2

Nyiseche manono wacho weche maonge tiendgi, kende ajuoke neno ranyisi mag miriambo. Gileko lek ma ok adiera, kendo giwacho weche mawito ji. Mano emomiyo ji bayo abaya ka rombe, kendo githagore nikech gionge jakwath.

Zekaria 11:16

kaka ranyisi ni abiro keto jakwath e piny ma ok rang rombe matho, kata ok many molal, kata ok thiedh matuo, bende ma ok kwa mago mangima, to chamo mana mago machue, kendo mwodo koda ka orengegi.

Kwan 27:17

mondo otel nigi e gik moko duto ma gitimo, kendo oritgi ka giwuok kendo ka giduogo dala, mondo oganda Ruoth Nyasaye kik bed ka rombe maonge jakwath.”

Mathayo 10:6

to dhiuru mana kuom jo-Israel molal ka rombe.

Mathayo 14:14

Omiyo kane Yesu owuok e yie, noneno ji mathoth, kendo nokechogi, mochango joma tuo kuomgi.

Mathayo 15:24

Yesu nodwoko ni, “Ne oora mana ir jo-Israel molal ka rombe.”

Mathayo 15:32

Yesu noluongo jopuonjrene, mowachonigi niya, “Akecho jogi, nikech gisebet koda kuom ndalo adek, to koro gionge chiemo. To ok adwar weyogi gidog ka gidenyo kamano, nimar dipo ka nong’no oterogi e yo.”

Mariko 6:34

Kane Yesu ochopo, mi owuok e yie, noneno oganda maduong’no, mi okechogi, nimar ne gichalo rombe ma onge jakwath. Kuom mano, nopuonjogi weche mang’eny.

Mariko 8:2

“Akecho jogo nikech gisebet koda kuom ndalo adek to koro gionge gi chiemo.

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.

Jo-Hibrania 5:2

Ginyalo dembo joma kia kod joma orwenyo, nikech gin giwegi bende nyawo obembogi e yore mang’eny.