Mathayo 8:17 - MUMA MALER 2015

¹⁷ Mano notimore mondo ochop gima janabi Isaya nosewacho niya, “En owuon ne okawo midekrewa, kendo noting’o tuochewa.”

Motingʼo Loko Manyien

¹⁷ Mano notimore mondo ochop gima nowachi gi dho Janabi Isaya niya, “Nokawo nyawo marwa kendo notingʼo tuochewa.”

Mathayo 8:17 ပူးပေါင်းရင်းမြစ်များ

Chakruok 22:6

Ibrahim nomiyo Isaka yiend wang’o misango mondo oting’, to en owuon noting’o mach kod pala, mi jariyogo nochako wuoth kanyakla.

Isaya 53:4

To eka tuochewa ema ne oting’o, kendo chandruokwa ema ne ture. Wan to ne waparo ni masira mane oyudono ne en kum mane Nyasaye omiye nikech richone owuon,

Mathayo 1:22

Mago duto notimre mondo ochop wach mane Ruoth Nyasaye osemiyo janabi owacho niya:

Mathayo 2:15

mi odak kuno nyaka Herode otho. Mano notimore mondo ochop gima ne Ruoth Nyasaye omiyo janabi owacho, ni, “Naluongo wuoda mondo oa Misri.”

Mathayo 2:23

mi odak e dala miluongo ni Nazareth. Mano notimore mondo ochop gima ne Janabi okoro, ka wacho niya, “Enoluonge ni ja-Nazareth.”

Mariko 1:32

Kane piny ochopo odhiambo ka chieng’ osepodho, ji nokelo joma tuo duto, kaachiel gi joma nigi jochiende ir Yesu,

Luka 4:40

Kane chieng’ podho, ji duto mane nigi joma tuo tuoche mopogore opogore nokelo ir Yesu, mi Yesu noketo lwete kuom moro ka moro, mochangogi duto.

2 Jo-Korintho 12:10

Mano omiyo ayie nyawo, kata achaya, kata chandruok, kata sand, kata thagruok, nikech Kristo, nimar ka wanyap, to eka watek.

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.