Mathayo 8:15 - MUMA MALER 2015

¹⁵ Yesu nomako lwet dhakono, mi midhusu mane en-go orumo, kendo noa malo, motiyonigi.

Motingʼo Loko Manyien

¹⁵ Nomulo lwete mi midhusi noweye, kendo noa malo mochako miyogi chiemo.

Mathayo 8:15 ပူးပေါင်းရင်းမြစ်များ

2 Ruodhi 13:21

To chieng moro kane jomoko yiko ng’ato, ne gipo ka gineno wasigu kabiro, mi ne gibolo ringre ng’atno ei liend Elisha. To kane ringre ng’at mothono olwar kuom choke Elisha, chunye noduogo, mochung’.

Isaya 6:7

mane osegolo e kendo-mar-misango gi ramaki. Ne orewo dhoga ka owacho niya, “Winji, majni oserewo dhogi, omiyo timbeni mamono oweni. Adier, richoni opwodhi.”

Mathayo 14:36

Ne gihombe mondo oyie joma tuo omulie kata mana riak lawe kende. Kamano ji duto mane omulo riak lawe nochango.

Mathayo 20:34

Yesu nokechogi, omiyo nomulo wengegi, mi wengegi oyepo mana gikanyono. Eka ne giluwe.

Mathayo 8:14

Yesu nodhi e od Petro, mi oyudo ka min chi Petro nindo, ka nigi midhusu.

Mathayo 8:16

Kane piny ochopo odhiambo, ji nokelo joma thoth man gi jochiende ir Yesu, mi Yesu nogolo jochiendego mana gi wach kende, kendo nochango joma tuo duto.

Mathayo 8:3

Yesu norieyo lwete, momule, kawachone ni, “Ee, ayie! Changi, ibed mangima.” Gikanyono dhohone ne ochango.

Mathayo 9:20

To dhako moro mane iye osechuer kuom higni apar gariyo nosudo gi yoka ng’e Yesu, momulo riak lawe,

Mathayo 9:29

Eka Yesu nomulo wengegi kawacho niya, “Kaka yieu obet, e kaka mondo otimrenu!”

Mariko 1:29

Kane gia e od lemo, Yesu kaachiel gi Jakobo kod Johana ne jodhi e dala Simon gi Andrea.

Mariko 1:41

Yesu nokeche, omiyo norieyo lwete, momule, kowachone niya, “Ee, ayie! Changi, ibed mangima.”

Luka 8:54

To Yesu nomako lwet nyathino, mi owachone matek niya, “Nyako, a malo!”