Mathayo 7:24 - MUMA MALER 2015

²⁴ “Mano emomiyo ng’at mowinjo wechenagi, mi orito, chalo gi ng’at mariek mane ogero ode ewi lwanda.

Motingʼo Loko Manyien

²⁴ “Emomiyo ngʼato angʼata mawinjo wechenagi kendo otimogi chalo gi ngʼama riek mane ogero ode e lwanda.

Mathayo 7:24 ပူးပေါင်းရင်းမြစ်များ

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Zaburi 111:10

Luoro Nyasaye e chakruok mar rieko, kendo joma timo kamano yudo rieko mang’eny. Nyaka pake mochwere!

Zaburi 119:130

Tiend wachni koel, to kelo ler, kendo omiyo weche donjo kata ni ng’ama riekone tin.

Zaburi 119:99

An gi paro matut moloyo jopuonjna, to nikech chikeni ema aparo.

Ngeche 10:25

Kalausi tero joricho kuma bor. Joma kare to ogurore motegno nyaka chieng’.

Ngeche 10:8

Joma riek luwo puonj makare, to joma wechegi ofuwo biro rumo.

Ngeche 12:7

Joricho tho gi wigi. Joma kare to weyoo nyikwagi bang’gi.

Ngeche 14:8

Rieko mar ng’at mariek, nyise yo makare monego oluw, to fup joma omemore, miyo gibayo yo.

Mathayo 12:50

nimar ng’ato ang’ata matimo gima Wuora mae polo dwaro e owadwa, gi nyamera, kod mama.”

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Mathayo 24:45

“Ere ng’ato kuomu ma chalo gi jatich mogen kendo mariek, ma ruodhe oketo mondo orit jotich wetene, kendo omigi chiemo e kinde mowinjore?

Mathayo 25:2

Abich kuomgi nofuwo, to abich mamoko ne riek.

Mathayo 25:4

Nyiri mariek to nokawo techegi kaachiel gi mo bende e chupe.

Mathayo 25:9

To nyiri mariek nodwokogi ni, ‘Ooyo, ok wanyal miyou, nikech mo ma wan-go ok nyal romowa kodu. Dhiuru e duka mondo ung’iew maru.’

Mathayo 7:25

Koth ne ochwe maduong’, mi ohula omol, kendo yamo bende nokudho mogoyo odno, to ne ok opodho, nikech mise mare ne oketi e wi lwanda.

Mathayo 7:26

To ng’at ma winjo wechegi, to ok omako, chalo gi ng’at mofuwo mane ogero ode ewi kuoyo.

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Johana 13:17

Ka ung’eyo wachno, to un johawi kutiyo kode.

Johana 14:15

“Ka uhera to unumak chikena.

Johana 15:10

Ka urito chikna, to eka usiko e herana, mana kaka an bende aserito chik Wuora, kendo asiko e herane.

Johana 15:14

Ka utimo gik ma achikou, to eka un osiepena.

Jo-Rumi 2:13

Ng’ato nyalo winjo Chik, to ka ok omako, to ok onyal bet e winjruok gi Nyasaye.

1 Johana 2:3

Ka warito chik Nyasaye, eka wan gi ratiro ni wang’eye.