Mathayo 6:27 - MUMA MALER 2015

²⁷ Ere ng’ato kuomu ma parruok dimi ndalone medre?

Motingʼo Loko Manyien

²⁷ En ngʼa kuomu ma parruok moparorego nyalo miyo omed bedo mangima kata mana kuom sa achiel kende?

Mathayo 6:27 ပူးပေါင်းရင်းမြစ်များ

Eklesiastes 3:14

Ang’eyo ni gimoro amora ma Nyasaye otimo siko nyaka chieng’. Ok inyal medoe gimoro, bende ok inyal goloe gimoro. Osetimo kamano mondo dhano oluore.

Mathayo 5:36

Kata kik ukuong’ru gi nying wiu, nimar ok unyal loko kata mana yier achiel bed marachar kata marateng’.

Mathayo 6:25

“Mano emomiyo awachonu ni kik uparru kuom gima ducham kata ma dumadhi mondo ubed mangima, kata kuom lewni ma durwaki mondo uumgo dendu. Donge ngima duong’ moloyo chiemo? Koso ringruok donge oloyo law?

Mathayo 6:28

Ere gima omiyo uparoru kuom lewni? Parieuru kaka ondanyo mae thim dongo. Ok giti gimoro, bende ok gitwang’ lewni ma girwako,

Mathayo 6:31

Emomiyo, kik uparru, kupenjoru ni, ‘Wabiro chamo ang’o?’ Kata ni, ‘Wabiro madho ang’o?’ Kata ni, ‘Wabiro rwako ang’o?’

Mathayo 6:34

Kuom mano, kik uparru kuom gik ma kiny notimre kiny, nikech kiny nobed gi mage owuon. Odiechieng’ kodiechieng’ nigi chandruokne morome.

Luka 10:41

To Ruoth Yesu nodwoke niya, “Maritha, Maritha, iparori kendo ithagori gi weche mang’eny kayiem,

Luka 12:11

Ka omaku, moteru mondo oyalu e nyim jodong ut lemo, kata e nyim ruodhi, kata e nyim jotelo mamoko, to kik uparru kuom weche ma dudwoki, kata kuom gima duwachi,

Luka 12:22

Yesu nowacho ni jopuonjrene niya, “Mano emomiyo awachonu ni kik uparru kuom chiemo ma ducham mondo ubed mangima, kata kuom lewni ma durwaki mondo uumgo dendu,

1 Jo-Korintho 12:18

To Nyasaye noketo fuonni duto achiel ka achiel e ringruok mana kaka noneno ni ber.

Jo-Filipi 4:6

omiyo kik upar gimoro, to nyisuru Nyasaye gik moko duto muchando, kulemo kendo ka chunyu goyone erokamano.

1 Petro 5:7

Keturu parruok duto ma un-go kuome, nikech oparou.