Mathayo 6:24 - MUMA MALER 2015

²⁴ “Onge ng’ama nyalo tiyo ni ruodhi ariyo, nikech dosin gi moro, to ohero machielo, kata domi achiel luor, to ochayo machiel. Omiyo, ok unyal tiyo ni Nyasaye, mi kendo uchak uti ni mwandu.

Motingʼo Loko Manyien

²⁴ “Onge jatich manyalo tiyo ne ruodhi ariyo. Nimar obiro chayo achiel to ohero machielo, kata obiro chiwore ne achiel to ochayo machielo. Ok inyal tiyo ne Nyasaye kendo ne pesa.

Mathayo 6:24 ပူးပေါင်းရင်းမြစ်များ

Chakruok 47:17

Omiyo ne gitero jambgi ni Josef, mi nomiyogi cham kar farese gi jamni kod kenje. Kamano e higano nomiyogi cham, to nokawo jambgi duto.

1 Ruodhi 18:21

Eka Elija nochung’ e nyim ji duto, mopenjogi niya, “Unuriwni e kind paro ariyo nyaka karang’o? Ka Ruoth Nyasaye en Nyasaye, to luweuru; to ka Baal e Nyasaye, to luwuru Baal.” To ji noling’ thi.

2 Ruodhi 17:41

Kamano ogendinigo ne lamo Ruoth Nyasaye, to gi nyiseche manono bende. Nyithindgi gi nyikwagi ne timo kaka kweregi ne timo, kendo pod gitimo kamano nyaka chil kawuono.

Ezekiel 20:39

“An Ruoth Nyasaye awacho kama: Ara, un jo-Israel, koro dhiuru adhiya nyime gi tiyo ni nyisecheu manonogo! To aramo ni e giko to ubiro luora, mi ok unumi nyinga maler kethre kuom chiwo mich ni nysecheu manono.”

Zefania 1:5

Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,

Mathayo 4:10

To Yesu nodwoke ni, “Dhi kucha, Satan! Muma wacho ni, ‘Ng’ato nyaka lam mana Nyasache, kendo en kende ema nyaka otine.’ ”

Luka 16:11

Emomiyo ka ok usebedo joadiera kuom mwandu ma ok ni kare mag pinyni, koro ng’ano ma digenu kuom mwandu madier?

Luka 16:13

“Onge misumba manyalo tiyo ni ruodhi ariyo, nimar dosin gi moro, to ohero machielo, kata domi achiel luor, to ochayo machielo. Omiyo ok unyal tiyo ni Nyasaye, mi kendo uchak uti ni mwandu.”

Luka 16:9

Eka Yesu nomedo wacho niya, “Mano omiyo awachonu ni, tiuru gi mwandu mag pinyni kuom mako osiepe, mondo chieng’ ma mwandugo orumo, to orwaku e dala mochwere.

Jo-Galatia 1:10

Koso uparo ni mano nenore ka gima adwaro ni mondo abed malong’o e nyim dhano? Ooyo, adwaro bedo malong’o e nyim Nyasaye! Koso uparo ni adwaro mondo dhano ema obed mamor koda? To ka da bed ni pod atemo timo kamano, to da ok abedo jatich Kristo.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

2 Timotheo 4:10

nimar Dema oseringo oweya, nikech ohero pinyni, kendo osedhi Thesalonika. Kreske to osedhi e piny Galatia kendo Tito osedhi e piny Dalmatia.

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

Joshua 24:15

Ka ok uikoru mar tiyone, to yieruru tinendeni nyasaye mubiro tiyone. Unyalo tiyone nyiseche mane kwereu lamo loka aora Yufrate, kata nyiseche mag jo-Amor, ma koro udak e pinygini. To an, kaachiel gi jooda, wabiro tiyo ni Ruoth Nyasaye.”

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”