Mathayo 6:19 - MUMA MALER 2015

¹⁹ “Kik ukan mwandu e piny, kama olwenda kata nyal kethoe gik moko, kendo jokuo bende turo, mi kwelie.

Motingʼo Loko Manyien

¹⁹ “Kik ukan mwandu ne un uwegi e piny kama olwenda gi nyal kethoe gik moko, kendo kama jokwoge turoe kendo kweloe.

Mathayo 6:19 ပူးပေါင်းရင်းမြစ်များ

Ayub 24:16

Jokuo turo udi gotieno, odiechieng’ to gipondo, kendo ok gidwar neno ler.

Ayub 31:24

Pok abedo gi geno kuom mwanduna,

Zaburi 39:6

Okadho mana ka tipo! Mwandu duto mochoko chalo muya maduono, to bende okia ng’ama nochamgi.

Zaburi 62:10

Kik uket genou kuom timbe mahundu, kendo kik ugen yudo gimoro e yor mecho. Kata ka mwandu omedore, to kik ugen kuomgi.

Wuok 22:2

Nyaka ochule te. To ka jakuogno jachan, to nyaka ong’iewe ka misumba, mondo pesa mong’iewego obed chudo kar gima osekwalo. To ka oyude gi chiayono ka pod ngima, kata bed ni en rwath kata kanyna kata mana rombo, to nyaka ochul nyadiriyo. “Ka ojuk jakuo ka turo ot, mi onege, to ok noyal ng’at monegeno e buch nek. To ka gima kamano otimore ka chieng’ osewuok, to nyaka yal ng’at monegeno e buch nek.

Ngeche 11:4

Chieng’ bura, to mwandu ok nyal konyi. Tim makare to nyalo geng’oni tho!

Ngeche 16:16

Mano kaka yudo rieko gi ng’eyo, ber, moloyo yudo fedha gi dhahabu.

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Zefania 1:18

Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Mathayo 19:21

Yesu nowachone niya, “Ka idwaro doko malong’o chutho, to dhiyo mondo ilok mwanduni pesa, mondo ipog ni joma odhier, eka inibed gi mwandu e polo, to kisetimo kamano, to bi iluwa.”

Mathayo 6:20

To kanuru mwandu e polo, kama olwenda kata nyal ok kethie gik moko, kendo jokuo bende ok nyal turo, mi kwelie,

Luka 12:21

Eka Yesu notieko kawacho ni, “Mano e kaka obet kuom ng’ama choko mwandu ni en owuon, to ok omew e wang’ Nyasaye!”

Luka 12:33

Lokuru giu duto pesa mondo upog ni joma odhier, eka ubed gi mwandu mak rum e polo, kuma jakuo ok dhiye, kendo kuma olwenda ok kethie gik moko,

Luka 12:39

Ng’euru ni ka wuon ot ong’eyo sa ma jakuo biroe, to dobed korito ode, motam jakuo turo.

Luka 18:22

Kane Yesu owinjo kamano, nowachone niya, “Gimoro achiel ema pod onego itim. Lok gigi duto pesa, mondo ipog ni joma odhier, eka inibed gi mwandu e polo. Ka isetimo kamano, to bi iluwa.”

Luka 18:24

Yesu noneno ka chunye lit, mi owacho niya, “Mano kaka donjo e Piny Ruoth Nyasaye tek ni joma nigi mwandu.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”