Mathayo 5:48 - MUMA MALER 2015

⁴⁸ Emomiyo nyaka ubed malong’o chuth, mana kaka Wuonu mae polo long’o.

Motingʼo Loko Manyien

⁴⁸ Kuom mano, beduru malongʼo chuth mana kaka Wuonu manie polo longʼo chuth.

Mathayo 5:48 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

2 Samuel 22:31

Yor Nyasaye en yo malong’o. Osenon wach Ruoth Nyasaye, moyud ni en adier. Ruoth Nyasaye e okumba mar joma ogeno kuome.

Zaburi 37:37

To koro, kinono ng’at maber kata ng’ama kare, to ibiro nwang’o ni ng’at man gi kue nigi nyikwaye.

Tim jo-Lawi 11:44

An e Ruoth Nyasaye ma Nyasachu, omiyo nyaka opwodhru kendo ubed joma ler, nikech an aler. Kik uchidru gi gimoro mamol kata malak e lowo.

Tim jo-Lawi 19:2

ni mondo onyis jo-Israel niya, “Nyaka ubed joma ler, nikech an Ruoth Nyasaye ma Nyasachu aler.

Tim jo-Lawi 20:26

Unubed jogo maler, nikech an Ruoth Nyasaye aler. Asepogou gi ogendini mamoko mondo ubed joga.

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Mathayo 5:45

mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo.

Mathayo 5:47

Bende ka oweteu kende ema umoso, to koro ere gima ber muloyogo ji ma maoko? Donge joma kia Nyasaye bende timo mana kamano?

Luka 6:36

Omiyo beduru mang’won mana kaka Wuonu ng’won.

Luka 6:40

Jopuonjre ok nyal loyo japuonjne, to ka ng’ato osepuonjore gik moko duto, eka onyalo bedo marom gi japuonjne.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

2 Jo-Korintho 13:9

To wamor ka wanyap, to un utek. Chutho gima walemone en ni mondo ubed joma kare e yore duto.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

Jo-Efeso 3:1

Mano emomiyo an Paulo, ng’at motue mar Kristo Yesu nikech un joma ok jo-Yahudi, agoyo chonga piny mondo alem.

Rapar mar Chik 18:13

Ruoth Nyasaye ma Nyasachu dwaro mondo utine gi chunyu duto.

Rapar mar Chik 27:10

Winjuru Ruoth Nyasaye ma Nyasachu, kendo rituru chikene gi buchene ma amiyou kawuono.”

Jo-Kolosai 1:28

Kristo ema wahulo wachne ni ji duto, kwanyisogi kendo wapuonjogi gi rieko, mondo wakelgi giduto e nyim Nyasaye ka gin jo-Kristo motegno.

Jo-Kolosai 4:12

Epafra ma bende jathuru, kendo ma misumba Yesu Kristo, bende ooronu mos. Pile olemonu matek, kokwayo Nyasaye mondo omi uchung’ motegno ka jo-Kristo maradier, kuketo chunyu kuom timo gik moko duto ma Nyasaye dwaro.

Jakobo 1:4

To nyaka utim kinda nyaka giko mondo ubed joma olony kendo makare chutho, ma ok urem e yo moro amora.

1 Johana 3:3

Ng’ato ka ng’ato man gi genoni kuom Kristo pwodhore owuon mondo obed maler, mana kaka Kristo bende ler.