Mathayo 5:35 - MUMA MALER 2015

³⁵ kata kik ukuong’ru gi nying piny, nikech piny en raten tiende, kata kik ukuong’ru gi nying Jerusalem, nikech en e dala mar Ruoth maduong’.

Motingʼo Loko Manyien

³⁵ kata gi piny, nimar en e raten tiende; kata gi Jerusalem, nikech en e dala maduongʼ mar Ruoth Maduongʼ.

Mathayo 5:35 ပူးပေါင်းရင်းမြစ်များ

2 Weche mag Ndalo 6:6

kendo ne ok ayiero ng’at moro obed jatend joga Israel, mak mana Daudi.’

Zaburi 48:2

Sayun, god Nyasaye, bor kendo ber. Ee, dala Ruoth maduong’ kelo mor ni piny ngima.

Zaburi 87:2

Ohero dala Jerusalem moloyo miech nyikwa Jakobo mamoko duto.

Zaburi 99:5

Pakuru Ruoth Nyasaye ma Nyasachwa, kendo lameuru e nyim kom duong’ne. Mano kaka oler manade!

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?

Malaki 1:14

Okuong’ ng’at ma jawuond ma timona misango gi chiayo modwanyore kamano mondo ochopgo kuong’ruokne, to oweyo chiache maber e kul. An e ruodh ruodhi, kendo ogendini duto oluora!”

Mathayo 5:36

Kata kik ukuong’ru gi nying wiu, nimar ok unyal loko kata mana yier achiel bed marachar kata marateng’.

Tich Joote 7:49

‘Ruoth Nyasaye wacho niya, “Polo e koma mar duong’, to piny e raten tienda. Ot machal nadi ma dugerna? Koso ere kama dayueye?

Fweny 21:10

Eka malaikano notera malo ewi got maduong’ kendo mabor, ka an ei Roho, mi onyisa Jerusalem, Dala Maler, kalor piny a e polo kuom Nyasaye,

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.