Mathayo 5:28 - MUMA MALER 2015

²⁸ An to awachonu ni, ka ng’ato orango dhako, mi ogombo, to oseterore kode e chunye.

Motingʼo Loko Manyien

²⁸ Anto anyisou ni ngʼato angʼata morango dhako gi gombo oseterore kode gi ei chunye.

Mathayo 5:28 ပူးပေါင်းရင်းမြစ်များ

Chakruok 34:2

Shekem wuod Hamor ma ja-Hivi mane ruodh pinyno nonene, mokawe kendo noriwore kode, mokethe.

2 Samuel 11:2

Chieng’ moro kar sa ma dhok donjoe, Daudi noa e kitandane, ma noyudo oyueyoe, mowuotho ewi tat ode, mi nopo koneno dhako moro ka lwokore. Ne en dhako ma jaber ahinya.

Ayub 31:1

“Ne asesingora ni ok narang nyako moro, mi agombi.

Ayub 31:9

Ka dipo ni asegombo chi wadwa moro, mi apondo e dhoode gi oko ka arite,

Zaburi 119:96

Ang’eyo ni kata mana gik mabeyo duto nigi gikogi, mak mana chikni kende ema onge gi gikone.

Wuok 20:17

“Kik igomb od ng’ato, kata chi ng’ato, kata misumba ng’ato, kata dher ng’ato, kata kanj ng’ato, kata gimoro amora ma ng’ato nigo.”

Ngeche 6:25

Kik chia ma mon-go nigo ywayi, kendo kik wengegi malombo miyi gombo.

Ezekiel 23:16

Kane onenogi kamano, to gombo ne ohewe, mi ooro joote Babulon mondo oluongne joma ne ogorgo.

Tim jo-Lawi 18:20

Kik iterri gi chi wadu, mi omi idok mogak.

Mathayo 15:19

nikech chuny dhano ema paro maricho nitie, mamiyo otimo gik maricho, kaka nek gi terruok gi wuowo gi kuo gi miriambo, kod kuoth.

Mathayo 5:22

An to awachonu ni ng’at ma okecho gi wadgi noter e bura, kendo ng’at monyanyo wadgi, to noyal e Bura Maduong’, to ng’ato mowacho ni wadgi ni ofuwo, nong’adne buch mach mak tho!

Mathayo 5:39

An to awachonu ni kik uchul kuor ni joma otimonu marach. Ka ng’ato othalo lembi ma korachwich, to lokne komachielo bende mondo othal.

Jo-Rumi 7:14

Wang’eyo malong’o ni Chik Musa ber, nikech oa kuom Nyasaye. An to an mana dhano matho, moseng’iew modoko misumba richo.

Rapar mar Chik 22:22

“Ka onwang’ ng’ato ka terore gi chi wadgi, to nyaka neggi giduto. Mano e kaka unupwodh jo-Israel kuom richo ma kamano.

2 Petro 2:14

Wengegi rango mon mana gi gombo maricho, kendo gombo ma gin-go mar dwaro timo richo ok rum. Giywayo joma yiegi yomyom, gitero e richo, bende chunygi ong’iyo gi gombo gik moko. Gin joma okuong!

1 Johana 2:16

nikech gik moko duto manie piny, kaka gombo mag ringruok gi gombo mar wang’, kod sunga ma ji sungorego kuom gik ma gin-go, ok a kuom Wuoro, to gin mana mag pinyni.