Mathayo 4:2 - MUMA MALER 2015

² Notueyo chiemo kuom ndalo piero ang’wen, odiechieng’ kotieno mi nodenyo.

Motingʼo Loko Manyien

² Bangʼ tweyo chiemo kuom ndalo piero angʼwen odiechiengʼ kod otieno, kech nochako kaye.

Mathayo 4:2 ပူးပေါင်းရင်းမြစ်များ

1 Ruodhi 19:8

Eka noa malo mochiemo kendo omodho. Chiemono nomede teko, mowuotho ndalo piero ang’wen, odiechieng’ gotieno, mochopo Horeb, god Nyasaye.

Wuok 24:18

Musa nodonjo e bor polono, modhi ewi got, kendo nobet kuno kuom ndalo piero ang’wen odiechieng gotieno.

Wuok 34:28

Omiyo Musa nobet gi Ruoth Nyasaye kanyo kuom ndalo piero ang’wen, odiechieng’ gotieno, ma ok ochiemo kata metho, kendo nondiko weche mag singruokno e kitego. Ne gin Chike Apar.

Mathayo 21:18

Kinyne gokinyi, kane Yesu dok Jerusalem, kech nochako kaye.

Mathayo 25:35

nikech ka ne kech kaya, to ne umiya chiemo, kendo kane riyo oloya, to ne umiya pi amodho, bende kane an wendo, to ne urwaka,

Mathayo 25:42

nikech kech ne kaya, to ne ok umiya chiemo, kendo riyo ne oloya, to ne ok umiya pi amodho,

Mariko 11:12

Kinyne, kane oyudo giduogo ka gia Bethania, kech nochako kayo Yesu.

Luka 4:2

kuom ndalo piero ang’wen ka Satan teme. E ndalogo duto ne ok ocham gimoro, omiyo kane ndalogo orumo to nowinjo ka kech kaye.

Johana 4:6

Kanyo ema soko Jakobo bende ne nitie. To kaka ne wuoth koro oolo Yesu, nobet e dir sokono ka ojony. Koro ne en kar sa auchiel mar odiechieng’.

Rapar mar Chik 18:18

Abiro yieronigi janabi kaka in, kuom ogandagi giwegi. Abiro keto wechena e dhoge, kendo enowachnigi weche duto ma achike.

Rapar mar Chik 9:18

Eka nariera piny e nyim Ruoth Nyasaye kuom ndalo piero ang’wen odiechieng gotieno, kaka nasetimo e kinde mokwongo, mi ariyo kech ka ok achiem kata ok amadh gimoro, nikech richo duto mane usetimo kuketho e nyim Ruoth Nyasaye, kendo kumiye mirima.

Rapar mar Chik 9:25

“Nariera piny e nyim Ruoth Nyasaye kuom ndalo piero ang’wen, odiechieng’ gotieno nimar nosewacho ni odwaro tiekou.

Rapar mar Chik 9:9

Noyudo ka asedhi ewi got mondo akaw kite mopamore mag singruok ma Ruoth Nyasaye otimo kodu, mi ne abet ewi got kuno kuom ndalo piero ang’wen, odiechieng’ gotieno, ka ok achiem kata ok amadh gimoro.