Mathayo 28:15 - MUMA MALER 2015

¹⁵ Joritgo nokawo pesago, motimo kaka nowachnigi. Wachno nolandore ahinya, kendo pod owachore e kind jo-Yahudi nyaka chil kawuono.

Motingʼo Loko Manyien

¹⁵ Omiyo askeche nokawo pesago, kendo negitimo kaka nonyisgi. Kendo wachni koro oselandore kuonde mathoth e dier jo-Yahudi nyaka odiechiengni.

Mathayo 28:15 ပူးပေါင်းရင်းမြစ်များ

Mathayo 26:15

mopenjogi niya, “Ang’o ma dumiya, ka aketo Yesu e luetu?” Kuom mano ne gimiye siling’ piero adek.

Mathayo 27:8

Mano emomiyo puodhono iluongo ni Puoth Remo nyaka chil kawuono.

Mathayo 9:31

To kata kamano, kane gia kanyo, ne gidhi gilando humb Yesu e gweng’no duto.

Mariko 1:45

Ng’atno to kane osea kanyo, to ochako mana lando wachno. Adier, nolando wachno kamoro amora, ma koro Yesu ne ok nyal dhi e dala moro ka ji nene, ne en mana oko kuonde ma onge joma odakie. Kata kamano, ji moa kuonde duto nosiko ka dhi adhiya ire.

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.