Mathayo 27:66 - MUMA MALER 2015

⁶⁶ Kuom mano ne gidhi, mi girito liel maber. Ne giketo kido kuom kidi mane olorgo dho liel, kendo ne giweyo askeche karito.

Motingʼo Loko Manyien

⁶⁶ Omiyo negidhi mine girito liel ka giketo kido e kidi kendo negiketo jarito mondo orite.

Mathayo 27:66 ပူးပေါင်းရင်းမြစ်များ

Daniel 6:17

Bang’ mano, ne okel lwanda, mi olorgo dho burno, kendo ruoth noketoe sei mare gi mag jodonge, mondo kik ng’ato res Daniel.

Mathayo 27:60

eka nokete e bur manyien, mane osekunyo ariwa e kor lwanda. (En bur mane oloso mondo chieng’ moro oyikee, kotho.) Bang’e nong’ielo kidi maduong’ moloro dho bur, mi oa odhi.

Mathayo 27:65

Pilato nowachonigi niya, “Ee, kawuru askeche, udhi urit liel maber kaka unyalo.”

Mathayo 28:11

Kane mongo pod wuotho dhi, to moko kuom jorit nodok Jerusalem, monyiso jodolo madongo gik moko duto mane osetimore.

Mathayo 28:2

To piny noyiengni matek apoya nono, kendo malaika mar Ruoth Nyasaye nolor koa e polo, mong’ielo kidi mane olorgo dho bur gi chien, mobetie.

Mariko 16:4

To kane giting’o wang’gi, ne gineno ka kidino oseng’iel dire, kata obedo ni ne en kidi maduong’ ahinya kamano.

Johana 20:1

To chieng’ Jumapil, kane piny pod huyuhuyu, Maria nyar Magdala nodhi e liel moyudo ka kidi oseng’iel oko e dho liel.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

Joshua 10:18

Eka Joshua nowacho niya, “Ng’ieluru kite madongo olorgo dho rogono, kendo uket ji orite.

Fweny 20:3

Ne obole e Bur Matut Maonge Gikone, mi oloro dho bur kendo otueyo, mondo kik ochak owuond ogendini nyaka higni alufu achielgo rum. To bang’e nogonye kuom kinde matin.