Mathayo 27:41 - MUMA MALER 2015

⁴¹ Kamano bende e kaka jodolo madongo gi jopuonj Chik kod jodong oganda nochare, kawacho niya,

Motingʼo Loko Manyien

⁴¹ Machalre kamano bende, jodolo madongo gi jopuonj chik kod jodong oganda bende nojare, kagiwacho niya,

Mathayo 27:41 ပူးပေါင်းရင်းမြစ်များ

Ayub 13:9

To ka Nyasaye orangou maber, bende doyud gimoro maber kuomu? Uparo ni unyalo wuondo Nyasaye kaka uwuondo dhano?

Zaburi 35:26

Mad lo joma goyona siboi ka an e chandruok, mi ng’eng nono. Onego wichkuot maduong’ mak jogo ma paro ni beyo moloya.

Isaya 28:22

Koro weuru sunga, nono to ibiro tueu gi ratego motegno, nimar asewinjo ka Ruoth Nyasaye Manyalo Gik Moko Duto golo chik mondo oketh piny duto.

Isaya 49:7

Ruoth Nyasaye ma Ng’ama Ler, kendo ma Jawar Israel, wacho ni ng’at ma ji charo, ma ogendini nyono gi tiendgi, kendo ma misumba jotend piny, niya “Ruodhi nochung’ni, ka ikadho. Bende jodongo nokulreni piny nikech Ruoth Nyasaye. En Ruoth Nyasaye ma Ng’ama Ler mar Israel ma oseyieri.”

Zekaria 11:8

Kane pok due achiel orumo, ne ariembo jokwath adek nikech ne gijoga, kendo gin bende chunygi nosin koda.

Mathayo 27:40

kendo wachone niya, “In mane iwacho ni ibiro muko Hekalu, mi ichak iger bang’ ndalo adek, koro resri ane, ilor ia e msalaba, ka in Wuod Nyasaye adier!”

Mathayo 27:42

“Noreso jomoko, to en koro dak oresre? Donge en ruodh Israel? Koro mondo olor ane oa e msalaba, eka wayie kuome.

Luka 18:32

Ibiro chiwe e lwet joma ok jo-Yahudi, mi jogo nochare kendo noyanye kendo nong’udh kuome olawo.

Luka 22:52

Bang’ mano Yesu nowacho ni jodolo madongo gi jotend jorit Hekalu, kod jodongo mane obiro mondo omake niya, “Ere gimomiyo ubirona gi ligengni kod arunge, mana ka gima an jamecho?

Luka 23:35

To ji mang’eny ne ni kanyo, kaneno gima timore, kendo jodong jo-Yahudi nonyiere, kawacho ni, “Noreso jomoko, omiyo ka en e Mesia ma Nyasaye oseyiero adier, to mondo oresre ane!”