Mathayo 27:31 - MUMA MALER 2015

³¹ Kane gisetieko chare kamano, ne gilonyo kandhu oko kuome, mi girwakone lepe owuon. Eka ne gitere oko mondo gigure e msalaba.

Motingʼo Loko Manyien

³¹ Bangʼ kane gisejare kamano, ne gilonyo kandhono oko bangʼe girwakone lepe owuon. Eka ne giwuok gidhi kode mondo gidhi gigure.

Mathayo 27:31 ပူးပေါင်းရင်းမြစ်များ

1 Ruodhi 21:10

Eka uket ji ariyo macheje obed momanyore kode mondo odonjne, ka giwacho ni oseyanyo Nyasaye kod ruoth bende. Eka ugole oko, ugoye gi kite nyaka otho.”

1 Ruodhi 21:13

Ji ariyo macheje nodonjo, mobet momanyore kode. Eka ne gidonjo ni Naboth e nyim ji duto, ka giwacho niya, “Naboth noyanyo Nyasaye kod ruoth bende.” Omiyo ji nogole oko, kendo ne gigoye gi kite nyaka otho.

Isaya 53:7

Ne osande, kendo ne oyie mondo ochwade, to ne ok owacho gimoro, to noling’ thi mana ka rombo mitero kar yeng’o, kata ka rombo manie nyim joma ng’ado yiere.

Kwan 15:35

Eka Ruoth Nyasaye nowacho ni Musa niya, “Ng’atno nyaka negi. Oganda duto nyaka goye gi kite oko mar kambi.”

Mathayo 20:19

mi gikete e lwet joma ok jo-Yahudi mondo ochare kendo ochwade mi gure e msalaba. To chieng’ mar adek nochiere.”

Mathayo 21:39

Kuom mano ne gimake mi giwite oko e tok puoth mzabibu, kendo ginege.

Mathayo 26:2

“Ung’eyo ni bang’ ndalo ariyo Sap Pasaka biro betie, kendo nondhog Wuod Dhano mondo ogur e msalaba,”

Mariko 15:20

Kane gisetieko chare kamano, ne gilonyo kandhu makwarno oko kuome, mi girwakone lepe owuon. Eka ne gitere oko mondo gigure e msalaba.

Johana 19:16

Bang’ mano Pilato nomiyogi Yesu mondo gigur. Kamano ne gikawo Yesu,

Johana 19:27

Eka nowacho ni japuonjreno ni, “Meru ero.” Chakre sano japuonjreno nokawo min Yesu, odhigo mondo odag e dalane.

Tich Joote 7:58

Ne gigole oko e dala, mi gigoye gi kite. To joma nohangone wach kande noweyo lepgi ni wuowi moro ma nyinge Saulo.

Jo-Hibrania 13:12

Mano emomiyo Yesu bende ne onegi oko mar dala Jerusalem mondo opuodh ji gi rembe owuon.