Mathayo 27:25 - MUMA MALER 2015

²⁵ To ji duto nodwoko niya, “Rembe mondo obed e wiwa, kendo e wi nyithindwa.”

Motingʼo Loko Manyien

²⁵ To ji duto nodwoko riat niya, “Rembe mondo obed e wiwa gi nyithindwa!”

Mathayo 27:25 ပူးပေါင်းရင်းမြစ်များ

2 Samuel 1:16

Daudi nowacho niya, “Rembi obed e wiyi, nimar dhogi iwuon ema ong’adoni bura, kiwacho ni isenego ruoth mowir ma Ruoth Nyasaye oyiero.”

1 Ruodhi 2:32

Ruoth Nyasaye biro kume kuom remo ma nochwero, nikech nonego ji ariyo makare moloyo gi ber. Nonego Abner wuod Ner, jatend jolweny mag Israel, kod Amasa jotend jolweny mag Juda kane Daudi wuora kia.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Kwan 35:33

Kik uketh pinyu gi remo kamano, nikech remo ketho piny, kendo pinyu ok nyal pwodhore kuom gak mar remo mochuer, mak mana ka opwodhe gi remb ng’at mane ochuero remono.

Mathayo 21:44

Ng’ato ang’ata mopodho kuom kidino, notur matindotindo, to ka kidino ema opodho kuom ng’atno, to norege ka buru!]”

Tich Joote 18:6

To kane gidagi wachne, kendo gichako yanye, noteng’onigi lepe, kosiemogi niya, “Ka ulal, to mano nobed wachu uwegi! Anto aonge wach kanyo. Chakre kawuono adhi ir joma ok jo-Yahudi.”

Tich Joote 5:28

“Donge ne wakwerou matek ni kik upuonj ji e nying ng’atni? To koro neyeuru gima usetimo! Usepong’o Jerusalem duto gi puonju, kendo udwaro kelo remb ng’atni e wiwa!”

Tich Joote 7:52

Bende nitie janabi moro mane kwereu ok osando? Ne ginego joote Nyasaye mane osehulo chon ni Ng’ama Kare biro biro. To koro un usendhogo Ng’ama Kareno, mi unego.

Rapar mar Chik 19:10

Kuyiero miego, to remb joma onge ketho ok nochuer e piny ma Ruoth Nyasaye ma Nyasachu biro miyou obed mwanduu, kendo richo mar chuero remo ok nobed kuomu.

Rapar mar Chik 19:13

Kik ukeche, nyaka ugol ketho mar chuero remb ng’at ma ok oketho oko kuom piny Israel. Kamano unudag maber.

Joshua 2:19

Ka ng’ato nowuog oko, mi negi, to rembe nobed e wiye owuon, kendo ok wanabed joketho. To ka oneg ng’ato man kodi e ot, to rembe nobed e wiwa.