Mathayo 27:24 - MUMA MALER 2015

²⁴ Kane Pilato oneno ni ok ginyal yie kode, kendo tulo ema dwaro wuok, nokawo pi, mologo e nyim ji, kowacho niya, “An aonge bura kuom remb ng’atni. Mano en wachu!”

Motingʼo Loko Manyien

²⁴ Kane Pilato oneno ni onge gima nonyalo timo, to ni mahu ema koro ne chakore, nokawo pi mi ologo e nyim ogandano, kowacho niya, “An aler kuom remb ngʼatni, en wachu!”

Mathayo 27:24 ပူးပေါင်းရင်းမြစ်များ

Zaburi 26:6

A Ruoth Nyasaye, alwoko lweta kanyisogo ni aonge gi ketho, kendo alworo kendoni mar misango,

Jeremia 2:27

Un duto mawacho ni yath ni, ‘In e wuonwa,’ kendo wacho ni kidi ni, ‘In minwa,’ wiu nokuodi. Ne ubaro mi uweya, kendo ne udagi duogo ira, to eka ka masira omakou, to ukwaya mondo abi akonyu!

Jeremia 2:35

‘Waonge ketho, kendo adier, Ruoth Nyasaye ok okecho kodwa.’ To ng’euru ni an Ruoth Nyasaye abiro kumou kuom wacho ni uonge gi richo kamano.

Mathayo 26:5

To ne gineno ni ber mondo kik gimake e ndalo Sawo, nikech dipo ka ji otimo koko.

Mathayo 27:19

Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”

Mathayo 27:23

To nochako openjogi ni, “Ere gima rach mosetimo, momiyo onego ogure?” To ne gimedo kok moloyo, ka giwacho ni, “Gure!”

Mathayo 27:4

kowachonigi niya, “Asetimo richo kuom ndhogo remo ma onge ketho.” To ne gidwoke ni, “Mano obadho mana in! Ok en wachwa.”

Mathayo 27:54

Kane jaduong’ lweny kod joma ne konye rito Yesu oneno kaka piny yiengni, kendo kaka gik moko timore, ne gibedo maluor ahinya, mi giwacho niya, “Adier, ng’atni ne en Wuod Nyasaye!”

Mathayo 27:9

Kamano gima ne Jeremia janabi okoro notimore. Nosekoro niya, “Ne gikawo siling’ piero adek, ma en nengo mar ng’at mane jo-Israel moko ogoyo nengone,

Johana 13:9

Eka Petro nowachone ni, “Ruoth, kara kik ilwok mana tienda kende, to lwok koda ka lweta gi wiya bende!”

Johana 19:4

Pilato nochako owuok oko, mowacho ni jo-Yahudi niya, “Neuru! Agolonugo oko mondo ung’e ni ok ayudo ketho kuome.”

Tich Joote 3:14

Ne ukwedo Jal Maler kendo Makare, to ukwayo mondo ogonynu mana janek!

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

1 Petro 3:18

nimar Kristo owuon notho dichiel kendo mogik nikech richou. Kata obedo ni en ne en ng’ama kare kamano, to notho ni joma ok kare, mondo oterwa ir Nyasaye. Ne oneg ringre, to Nyasaye nomiyo chunye obedo mangima,